bantulin kan Bagong Bareta, siring man dai nagkahalaga na domoko sa saimong atubang si Jesus! dai saimo nagkahalaga su saimong dakilang pagtubod siring
man su saimong paghihigpit sa pamumuhay, pati su
pagkagadan mo dahelan sa katotoohan asin huli sa saimong mga pagtitiwala: ini gabos nagkakarilingwan
kan mga tawo, kun daing ibang isinasaisip kundi an
rogaring na mga kaogdan! Lalong mahalaga an daing
datang paghilit sa mga simbahan ki sa maging masihat (4-a) na tingog na nagkukurahaw sa olang (5-a),
ini itinotokdo saimo sa Filipinas. Kun bakong doron
kundi pavo an saimong kinaon, kun bakong anit kundi
sukla (6-a) an saimong ginubing asin ominayon ka sa
sarong Corporacion .. .”
Alagad iinodong kan gurang su saiyang mga pananaramon, ta nagdadangadang si San Francisco.
“Bakong sinabi ko?” nagpadagos nin pagtaram kaiba an mapagtuya-tuyang hoyom; “ini nasa-carro asin !Santo Dios, anong carro! pirang mga ilaw asin pirang mga farol na cristal! dai ka pa sagkod nakitang mapalibotan nin siring kadakol na mga ilawan, Giovanni Bernardone! Asin !anong togtog! !Ibang mga togtog an ipinadangog kan saimong mga aki pagkagadan mo! Alagad, gagalangan asin mahoyong kagtogdas, kun ngunyan mabuhay ka liwat, dai kang makikita kundi mga nagkapaharamak na mga Elias de Cortona, asin kun namidbid ka kan saimong mga aki, kokolongon ka asin, sakalé, magkakaigwa ka nin kabtang sa kapaladan ni Cesario de Speyer!”
Kasunod kan togtog may sarong estandarte an santong sinabi, alagad may pitong pakpak, dara kan mga Hermanos Terceros, na mga nagugubingan nin habitong guingon asin nangangaradyé sa halangkaw asin makayayayang tingog ... Dai naaraman kun anong dahelan, nakasunod si Santa Maria Magdalena, sarong magayonon na ladawan na mahibog su buhok, may bordadong panyong pifia sa pagoltanon nin mga morong parand nin mga singsing, asin nakagubing nin sukla na sinamnohan nin mga pinilpig na bulawan. Napapalibotan sya nin mga ilaw asin kamangyan; nakikita na nagsasaga sa saiyang mga lihang cristal su mga kiray kan liwanag kan mga luces de Bengala, minatao sa procesion nin sarong dai maisip na kamugtakan, mala ngani ta su luha kan santang parakasala
