franciscano, pinagsisipa su mga nakakaolang saiyang mga silla, asin siniko su sarong cadete. Pormal su teniente; su iba mga maogmang naghohororon asin inoomaw su mga masisiram na mga luto na nagkakatorolod sa latok. Alagad nagbingakbingak su dongo ni Doña Victorina, asin panaleng naangot baga nabatayan na halas; tara, natongtongan kan teniente su gayad kan saiyang saya.
“Ano ka, daing mata?” an sabi.
“Tgwa, ginang, duwang mga marayrahay pa kan saimo; alagad pighihiling ko an mga korong na iyan,” an simbag kan kilang nin kagalangan na militar na kanayon hominalé.
Napasiring sa cabecera su duwang religioso, sakalé, sa kaugalean, asin, siring sa dapat paghalton, nangyari na nagpaaragaw nin tukawan: ipinamantaag sa mga tataramon an mga kaogdan asin mga kakayahan kan mga nagraralaban, alagad, pakatapus ipinapahayag ninda an mga katumang kan saindang mga isinasabi asin nagngongororobngorob asin naghihinanarakit kun dai ninda nakakamtan an saindang minamawot.
“!Manongod saimo, Fray Damaso!” “!Manongod saimo, Fray Sibyla!” "Dating midbid sa harong... confesor kaitong dai na... sa pagkagurang, sa karapatan asin sa pamamahala..."
“Na sabihon tang magurang nang marhay, dai! alagad ika cura sa arrabal!” an simbag ni Fray Damaso sa laghod na tingog na dai binobotsan su silla.
“Huli ta saimong ipinaghoboot, kukuyogon ko!” an panapus na simbag ni Fray Sibyla na handa nang tumukaw.
“Dai ko ipinagboboot,” an mapanuwal na pahayag kan franciscano, “dai ko ipinagboboot!”
Titutukaw na si Fray Sibyla, na dai pinangataman su mga sabi kan franciscano kan magkanagboan su sa- iyang paghiling asin su mga mata kan teniente. An orog kahalangkaw na oficial, alinsunod sa opinion reli giosa sa Filipinas, hababang marhay sa cocinérong lego. Cedant arma togoe (24), sabi ni Ciceron sa Senado; cedant arma cottoe (25), sabi kan mga fraile sa Filipinas. Alagad si Fray Sibyla, sarong tawong pino, sominimbag:
‘“Senor Teniente, digdi nasa luwas kita kan simha-
