pakatapos kan ratipikasyon kaining Konstitusyon, magmukna ki
sarong sistematikong plano tanganing mapadali an desisyon o resolus-
yon sa mga kaso o mga bagay na napepending sa Korte Suprema o sa
mga hibabang korte antes kan epektibidad kaining Konstitusyon.
Sarong parehong plano an kaipuhan iadaptar para sa gabos na mga
espesyal na korte asin an mga konsehong quasi-judicial.
Sek. 13. An epektong legal sa pagkalihis, antes kan ratipikasyon kaining Konstitusyon, kan mga aplikableng panahon para sa pagde- sisyon o resolusyon kan mga kaso o mga bagay napigsumiter para sa adyudikasyon kan mga korte, dedeterminaran kan Korte Suprema sa praktikableng madaling panahon.
Sek. 14. An mga probisyon kan parapa (3) asin (4), Seksyon 15 kan Artikulo VIII kaining Konstitusyon maaplikar sa mga kaso o mga bagay na pigsumiter antes kan ratipikasyon kaining Konstitusyon, kun an aplikableng panahon nakalihis na pagkatapos kan ratipikasyon.
Sek. 15. An mga inkumbentong Myembro kan Komisyon sa Serbis- yo Sibil, an Komisyon sa Eleksyon, asin an Komisyon sa Awdit mapa- dagos kan pag-opisina pakalihis nin sarong taon pakatapos kan ratipi- kasyon kaining Konstitusyon; kun dai nahale dahil sa kaso, o nagin inkapasidad sa paggibo kan mga trabaho sa saindang mga opisina, o pignombraran para sa bagong termino digdio. Daing kaso na kaipuhan an siisay man na Myembro magserbisyo nin sobra sa siete anyos kaiba an serbisyo antes kan ratipikasyon kaining Konstitusyon.
Sek. 16. An mga emplyadong career civil service na nahale sa serbis- yo na daing kaso kundi sa resulta kan reorganisasyon segun sa Prok- lamasyon No. 3 kan petsa Marso 25, 1986 asin kan reorganisasyon pagkatapos kan ratipikasyon kaining Konstitusyon kaipuhan mag- kaigwa nin hustong bayad sa separasyon, asin an mga benepisyo sa retirement sagkod iba pa na saindang natipon sa irarom kan ley ma- kusog na pigaaplikar sa gabos sa panahon kan saindang separasyon. Kun bako naman, sa opsyon kan mga emplyado, pwede sindang kon- sideraron na mag-emplyar sa gobyerno, o sa ano man na mga subdibis- yon, mga instrumentalidad, mga ahensya, kaiba an mga sadiri o kon- troladong korporasyon nin gobyerno asin kan mga sanga kaini. An probisyon na ini aplikado sa mga career na opisyal kun an resignasyon, na piggibo nasa linya kan nag-eeksister na palakaw, pinag-akseptar.
