asin Bise-Presidente na naelehir sa eleksyon kasu Pebrero 7, 1986, para
sa sinkronisasyon kan mga eleksyon, pinagaekstender sagkod sa Hunyo
30, 1992.
An enot na mga regular na eleksyon para sa Presidente asin Bise- Presidente sa irarom kaining Konstitusyon gigibuhon sa ikaduwang Lunes nin Mayo, 1992.
Sek. 6. An inkumbent na Presidente kaipuhan magpadagos sa pag- gibo nin mga poder lehislatibo antes na an Primerong Kongreso dai nagtitiripon.
Sek. 7. Antes na igwang sarong ley an naipasar, an Presidente pwe- deng magkaag, sa paagi nin nombramyento hale sa sarong listahan nin mga nominadong naggigikan sa nanunungdan na mga sektor, nin pwesto na reserba para sa representasyon sektoral sa Parapa (1), Seks- yon 5 kan Artikulo VI kaining Konstitusyon.
Sek. 8. Sagkod dai nagtatao an Kongreso nin iba, an Presidente pwedeng magmukna nin Awtoridad Metropolitan na maggikan sa mga namamayo kan mga yunit nin gobyerno lokal sa laog kan Metropolitan Manila.
Sek. 9. An sarong sangang-probinsya (sub-province) mapadagos sa pag-eksister sagkod ini dai nagigin regular na probinsya o sagkod na an sakop na mga munisipyo kaini dai ikauli sa ina na probinsya.
Sek. 10. An gabos na Korte na nag-eeksister sa panahon kan ratipi- kasyon kaining Konstitusyon mapadagos sa paggibo sa saindang huris- diksyon, sagkod daing ibang ipigboboot an ley. An mga probisyon kan nag-eeksisting Reglamento kan Korte, mga akta hudisyaryo, asin mga ley prosedyural na bakong inkonsistent kaining Konstitusyon, mapadagos mag-operar sagkod dai naenmiyendahan o naliwat kan Korte Suprema o kan Kongreso.
Sek. 11. An mga inkumbentong Myembro kan Hudisyaryo kaipu- han magpadagos kan pag-opisina sagkod dai umabot sa setenta anyos, o magin inkapasidad sa paggibo kan mga trabaho sa saindang opisina, o hinale por sobre sa kaso.
Sek. 12. An Korte Suprema kaipuhan, sa laog nin sarong taon
