(2) An diretso kan mga kaakian sa mga asistensya, kaiba an ta-
mang pag-ataman sagkod nutrisyon, asin an espesyal na proteksyon na
nagigikan sa gabos na klase nin pagpabaya, abuso, pagmaltratar, ex-
ploitasyon, asin iba pang mga kondisyon na nakakaraot sa saindang
pagdakula;
(3) An diretso kan pamilya sa pagkaigwa nin pagdelensya asin suweldo na husto sa pagkabuhay; asin
(4) An diretso kan mga pamilya o kan saindang mga asosasyon sa pagpartisipar sa pagplano asin pag-implementar kan mga palakaw asin mga programa na apektado sinda.
Sek. 4. An Pamilya igwang katungdan na atamanon an mga gurang na myembro kan saindang pamilya siring man an Estado kaipuhan gibuhon ini sa paagi nin makahustisyang mga programa nin seguridad sosyal.
Seksyon 1. An bandera kan Pilipinas kaipuhan pula, puti, asin asul,* na may sarong aldaw asin tulong bituon, rinerespeto asin tinatawan nin onra kan mga tawo asin rekonisido kan ley.
Sek. 2. An Kongreso sa paagi kan ley pwedeng mag-adaptar nin sarong bagong ngaran para sa nasyon, sarong himno nasyonal o sarong selyo nasyonal, na an gabos puro tunay na panalmingan asin simbolo kan mga kama'wotan, agi-agi, asin mga tradisyon kan banwa. An siring na ley kaipuhan mag-epektwar sana pakatapos maratipikaran kan ban- wa sa sarong reperendum nasyonal.
Sek. 3. An Estado dai pwedeng idemanda na dai nin pagkaaram.
Sek. 4. An Pwersa Armada kan Pilipinas kaipuhan kompwesto kan mga armadong pwersang syudadano na kaipuhan mag-agi sa sarong training sa militar asin pagserbe, segun sa itatao kan ley. Kaipuhan magkaigwa ini nin regular na pwersa na kaipuhan sa seguridad kan Estado.
Sek. 5(1) An gabos na myembro kan pwersa armada kaipuhan mag- sumpa na sinda masuportar asin madepensa kaining Konstitusyon.
