ini sa pagpormar kan mga paggibo nin plano nasyonal asin mga palakaw.
Sek. 18. (1) An Estado kaipuhan magtao nin pantay na oportuni dad kultural sa paagi nin sistema edukasyonal, sa mga publiko o pribadong mga sektor, sa mga iskolarsyip, sa mga tabang asin sa ibang mga insentibo, asin mga sentrong kultural na komunidad, asin sa iba pang mga lugar.
(2) An Estado kaipuhan enganyaron asin suportaran an mga pagsiyasat asin pag-adal sa mga arte asin kultura.
Sek. 19. (1) An Estado kaipuhan ipromot an edukasyon pisikal asin enganyaron an mga programa sa isports, kumpetensya nin mga asosasyon, asin amateur na isports, kaiba an training sa kumpetensyang internasyonal, sa pagkaigwa nin disiplinang pangsadiri, teamwork, asin ekselensya sa pagpauswag kan mga syudadanong marhay an salud asin alerto.
(2) An gabos na institusyon edukasyonal kaipuhan maggibo nin regular na aktibidades sa isports sa enterong rona sa pakikooperar sa mga klab atletiko asin iba pang mga sektor.
Seksyon 1. An Estado minimidbid an pamilya kan Pilipino bilang pundasyon kan nasyon. Dahil digdi, kaipuhan pakusogon an pagkaburugkos asin aktibong pagpromot kan total na pagpapauswag kaini.
Sek. 2. An pag-agom, bilang sarong institusyon na dai pwedeng pagbulagon, iyo an pundasyon kan pamilya asin kaipuhan tawan nin proteksyon kan Estado.
Sek. 3. An Estado kaipuhan depensahan:
(1) An diretso kan mga mag-agom sa paggibo nin pamilya na segun sa saindang pagtubod sa relihiyon asin sa mga kaipuhan kan responsableng pagkamagurang,
