Sek. 20. An Presidente pwedeng makipagkontrata o maggarantya
nin mga utang sa luwas kan nasyon sa kapa'kanan kan Republika
kan Pilipinas na igwa nin enot na pag-oyon an Monetary Board asin
mapasa-irarom kan mga limitasyon na pwedeng itao kan ley. An
Monetary Board kaipuhan magatubang sa Kongreso, sa laog nin treintang aldaw magpoon sa pagtapos kan kada kwarter kan taong kalendaryo, kan biyong report nin mga desisyon kaini manungod sa mga aplikasyon sa mga pag-utang na kokontratahon o gagarantyahan kan
Gobyerno o kan mga korporasyon na sadiri o kontrolado kan Gobyerno na makapagpadakol sa mga inutang sa ibang nasyon, asin napapa-
laman kan iba pang mga bagay-bagay na pwedeng itao kan ley.
Sek. 21. Dai kaipuhan maging balido o epektibo an treaty o inter- nasyonal na kontrata na dai nin pag-oyon an dos-tersyo man lamang kan gabos na myembro kan Senado.
Sek. 22. An Presidente kaipuhan magsumitir sa Kongreso sa laog nin treintang aldaw magpoon sa pagbukas kan kada regular na sesyon, bilang base kan proponidong ley sa apropryasyon heneral, sa badyet nin mga gagastuson, asin mga rekurso nin kwarta, kairiba an mga nare- sibe hale sa presente asin proponidong ley sa rentas.
Sek. 23. An Presidente kaipuhan magdiskurso sa Kongreso sa pag- bukas kan regular na sesyon kaini. Pwedeng umatubang man siya digdi maski na sa iba pang mga oportunidad.
Seksiyon 1. An poder hudisyal kaipuhan maitao sa Korte Suprema asin sa mga hibabang korte na pwedeng imukna kan ley.
An poder hudisyal kairiba an trabaho kan mga korte nin hustisya sa pagresolber kan mga aktwal na mga kustyon na imbwelto an mga ciretso na kaipuhan an pagdemanda asin pag-enporsar nin legal, asin sa pagdeterminar kun dai o igwang grabeng abuso kan diskresyon na minaresulta sa kakulangan o sobrang hurisdiksyon sa parte kan arin Iman na sanga o instrumentalidad kan Gobyerno.
Sek. 2. An Kongreso kaipuhan magkaigwa nin poder sa pagpali- wanag, pagmando, asin pag-aporsyon kan manlaenlaen na mga korte pero dai man dapat agawan an Korte Suprema kan hurisdiksyon kaini 26
