Kongreso, sa magkairibang pagboto, sa paagi nin mayoryang boto
man sana kan gabos na Myembro kaini sa regular o espesyal na ses-
yon, an nasambit na pagdeklarar o pagsuspendir na dai pwedeng
dai tawan nin importansya kan Presidente an paghale nin saysay na
ito. Sa inisyatibo kan Presidente an Kongreso pwedeng pahalawigon sa
parehong paagi an nasambit na pagdeklarar o pagsuspendir sa laog nin
panahon na itatao kan Kongreso kun magpapadagos an pagsalakay o
rebelyon asin kaipuhan an seguridad publiko.
An Kongreso kun daing sesyon, kaipuhan magpoon nin miting sa laog nin beinte kwarto oras kasunod kan nasambit na pagdeklarar o pagsuspendir susug sa mga reglamento kaini na dai na kaipuhan apodon.
Pwedeng ribyuhon kan Korte Suprema, sa sarong dapat na prosidimyento na inatubang kan siisay man na syudadano, an supisyenteng basehan kan proklamasyon kan ley militar o pagsuspendir kan pribileyo kan writ o pagpapalawig kaito asin kinakaipuhan magpromulgar nin desisyon kaito manungod duman sa laog nin trentang aldaw magpoon na iatubang ini.
An kamugtakan kan ley militar dai minasuspendir sa katotoohan kan Konstitusyon, ni dai minasalida sa pagpungsyunar kan mga korteng sibil o lehislatibong asemblya, ni dai minatugot sa pagtatao sa mga sanga o korte militar kan hurisdiksyon sa mga sibilyan kun an mga korteng sibil nakapagpungsyunar, ni dai minasuspendir sa pribilehiyo kan writ.
An pagsuspendir sa pribilehyo an writ kaipuhan sakop sana an mga tawong denemanda sa korte nin rebelyon o mga kasalan na natural o direktong igwang relasyon sa pagsalakay.
Sa panahon na suspendido an pribilehyo an writ, an siisay man na tawo na dinakop o prineso sa siring kaipuhan idemanda sa korte sa laog nin tolong aidaw, kun dai siya kaipuhan paluwason.
Sek. 19, Apwera sa mga kaso nin impeachment, o sa naiiba pang itinatao sa Konstitusuong ini, an Presidente pwedeng magtao nin mga plaso, pagianon an padusa, asin patawad, asin pwedeng halean nin saysay an multa asin pagsamsam, pagpirma kan panghuring desisyon.
Kaipuhan man na magkaigwa siya nin poder na magtao nin amnestya sa pag-oyon kan mayorya kan gabos na myembro kan Kongreso.
