maguing day nin pacamaté: háros ta magsasabi aco nin catotoohan alagad pinababayaan co iyan, tagñaning day nin maghorop-horop sa sacuyá nin labi sa naquiquita sa sacuyá, ó nadadagñog sa sacuyá.
7 Asin huli tagñaning an cadaculáan nin magña capahayagan day aco ipag-itáas ó paitaáson nin daing háros ó basang lamang, tinauan aco nin sarong mapanas sa sacuyang laman, sarong sorogoon ni Satanás na magtatampal sa sacuyá, tagñaning day aco magpalalangcao nin labílabi.
8 Nin huli caiyan macatolong veces aco paquimaherac sa Cagurangnan, na haléon sa sacuyá.
9 Asin sinabihan aco: Igó na sa saymo an sacuyang biyaya; huli ta an sacuyang cabagsican dian nasasangcap ó nahahaman sa caluyahan. Cayá, sa marhay na boot magpapamurauay aco nin orog carahay dian sa sacuyang magña caluyahan, tagñaning omontoc sa sacuyá an cabagsican ni Cristo.
10 Nin huli caiyan nagoogma aco sa magña caluyahan, sa magña camudahan, sa magña caipuhan, sa magña pasaquit, sa magña cahorasaan huli qui Cristo; háros ta con maluluya aco, dagñan macocosog ó mapangyari aco.
11 Nagui acong sarong cablas sa pagoogma co: camo pinirit aco nindo; háros ta aco maninigong pagomauon nindo: huli ta sa anoman bacó acong culang ó hababá qui sa magña orog ca dadaracol na magña apóstoles, minsan aco básang lamang.
12 Sagcod gabos caini, si magña tandá nin pagca-apóstol nagcaguirībo dían sa saindo sa bilog na pagtios, sa magña tindaan, asin sa magña gñagñalasan, patin sa magna cabagsican.
13 Huli ta, ano dao bacó na an caculagñan nindo qui sa magña ibang Iglesias, iyo condi huli ta aco man sana day aco naguing cagabatan sa saindo? Ipagpatauad nindo sa sacuyá an camudahan na ini.
14 Uya digdi naaandam aco sa pagpadian sa saindo sa icatolo asin day aco macacagabat sa saindo; háros ta day co hinahanap an saindong magña rogaring, condi camo (an tuyo co): háros ta day magririmpos ó magtatagama an magña áquí manogñod sa magña Magurang ó caganác, condi an magña caganác manognod sa magña áquí.
