pagpuca, sa gotom asin pahá, sa balaquid na magña pagayuno,
sa malipot patin sa cahubaan;
28 Alagad day mayó baga nin ibang magña bagay, caitong minadampol sa sacuyá aroaldao, si paghigñoa ó pagñataman nin gabos na magña Iglesias ó Casararoan nin Cristianos.
29 ¿Siysay an naghelang, asin aco day dominamay? ¿Siysay an nasisiuaua, asin aco day minalaad nin caangotan?
30 Con caipuhan na managsag, mananagsag aco dapit can sacuyang caluyahan.
31 An Dios asin Amá nin Cagurangnan niatong si Jesucristo, na pinagoomao siya sa magña panahon, nacacaaram na day aco nagpuputic. .
32 Duman sa Damasco, si Gobernador can provincia nin si hadeng si Aretas hinihigñatan an ciudad nin si magña Damacenos sa pagdadacop sa sacuyá;
33 Asin itinonton aco sa paril sa laog nin si sarong alat pinaágui sa sarong ventaná, asin nacadulag aco sa magña camot niya.
1 Sa catotoohan day magcacanigó sa sacuyá na magpamurauay ó managsag aco; condi madigdi aco sa magña pagpahiling asin sa magña pamaretá nin Cagurangnan.
2 Namimidbid co an saró catauo dian qui Cristo, na may cagapat nang taón (con baga sa hauac, day co iyan naaaraman; con baga na sa luas nin hauac, day aco nacacaaram: An Dios an nacacaisi) inagao siya asin inalintoto hangan sa icatolong lagñit.
3 Asin midbid co an siring na tauo, (con baga na sa hauac ó na sa luas nin hauac, day acong pacatalastas: an Dios an nacacaisi,)
4 Na inagao pasiring sa paraiso, na duman siya nacadagñog nin magña tataramon na hilom na an tauo day sucat macasabi.
5 Dapit can tauong ining siring magoogma aco, alagad sa sacuyá man sana baga day aco magoogma, condi dían sa sacuyang magña caluyahan.
6 Nin huli caiyan con boot acong maogma aco, day aco
