44 An cahadĉan nin lagñit na cacaaguid sa sarong cayamanan na natatago sa sarong omá, na can macua ini nin sarong tauo, binilom idto; asin sa caogmahan nia, nagduman asin ipinagpabacal an bilog na sadiri, asin binacal idtong omá.
45 Siring man, an cahadéan nin lagñit na cacaaguid sa sarong parabariuas na naghahanap nin magña magagayon na perlas;
46 na ini, can macacua nin sarong perlas na daculaon an halaga, napaduman sia, asin ipinagpabacal an gabos na sadiri, asin binacal idtó.
47 Siring man, an cahadêan nin lagnit na-cacaaguid sa sarong hicot na hinolog sa dagat, asin nacatipon nin balaquid na magña sira na manlaen-laen;
48 na ini, can mapanôna, guinoyod sa tampi, asin pacatucao, pigtiripon an magña marahay sa magña lalâgan, tara pigharapon an macacaraot.
49 Siring an mangyayari sa catapusan nin panahon: magluluas an magna ángel, asin ibobolag an magña maraot sa magña banal.
50 asin igagatong an magña maraot sa horno nin calayo: dihan-na an pagtagñis asin an pagragot nin magña gñipon.
51 Nagsabi si Jesús sainda, ¿Nasabotan nindo ining gabos na magña bagay? Sinda nagsarabi saiya, Ohô.
52 Sia gñani sinabihan sinda, Cayâ an gabos na escriba na inacô siring sa discípulo sa cahadéan nin lagñit, nacacaaguid sa sarong amâ nin sarong familia na minacua sa saiyang cayamanan nin magña bagay na bâgó asin magña bagay na dáan.
53 Asin nangyari na can matapus ni Jesús na isabi ining magña halimbauâ, naghalé dihan;
54 asin pagduman sa saiyang dagang namondagan, tinotocdoan sinda sa sinagoga ninda, nin huli caini nagcatiricbahan
