asin isinalac sa tolong tacad nin harina, sagcod na si gabos
ominalsom.
34 Ining gabos na magña bagay isinabi ni Jesús sa magña tauo sa magña halimbauâ, asin cun bacô sa halimbaua, day sinda sinabihan,
35 ta gñaning maotob idtong isinabi sa gñosó nin profeta, na nagsabi:
- Babucasan co an sacong gñoso sa magña halimbauâ;
- Sasaysayon co an magña bagay na natatago magpoon
- can paglalagñá can quinában.
36 Dagñan, binayaan nia an magña cadaclán, si Jesús nagbalic sa harong: asin nagdoroloc sa saiya an saiyang magña discipulo, na nagsarabi, Paliuanagan mo cami can halimbauâ dapit sa doot na nacacaraot sa omá.
37 Asin sia nagsimbag na sinabihan sinda, An nagtatanom can marahay na banhi iyo an Aqui nin tauo;
38 an omá iyo an quinâban; an marahay na banhî iyo an magña aqui nin cahadêan; tará an doot na nacacaraot iyo an magña áqui nin maraot;
39 an caiual na nagtanom caidto iyo an diablo; an tig-anian iyo an catapusan nin panahon; asin an magña paraani iyo an magña ángeles..
40 Siring gñani sa pagcua can doot na nacaraot asin sinolô sa calayo,iyo man sa catapusan nin panahon.
41 Sosogóon can Aqui nin tauo an saiyang magña ángeles, asin sinda na magtitipon sa saiyang cahadèan can gabos na magña bagay na naca-pagparaot, asin an magña nagguiguiribo nin caratan;
42 asin igagatong sinda sa horno nin calayo; dihan an pagtagñis, asin an pagragot nin magña gñipon.
43 Dagñan magliliuanag an magña banal, siring sa aldao, sa cahadean nin saiyang Ama. An igua nin taligña na ipag- dadagňog maghinaniog.
