nacacatocdó sa saymo man sana? ¿Ica na naghuhulit na day maghábon, naghahábon ica?
22 Ica na nagsasabi na day magdorog sa bacong agom, nananambay ca sa may agom? ¿Ica na nau-ugñis sa magña aníto, nacacaguinibo ca nin casálan sa may camahalan?
23 ¿Ica na nanánagsag dapit sa catogonan, sa paglapas sa togon pinagpapahamacan mo an Dios?
24 Háros ta an gñaran nin Dios pinaglangbadan huli sa saindo dian sa tahao nin magña Gentiles, siring sa nasusurat.
25 Huli ta an pagturí sa catotoohan may papaquinabagñon, con ootobon mo an togon; alagad con masumbical ca sa catogonan, an saymong pagtuturi maguing bacong sa pagtuturî
26 Con siring sa bagay, ¿con itong day tinuri otobon baga an magña catanosan can togon, ¿day dao papagcanígoon si day niya pagpaturi, na bilang siya sa tinurí?
27 Asin itong sa pagcabuhay day tinuri, con otobon nin marhay an togon, macacasabi siya sa saymo, na sa letra asin sa pagtuturi masumbical ca sa catogonan.
28 Háros ta bacong Judio itong nahahayag; bacó man na an pagtuturi iyo an napapahayag dían sa hauac:
29 Alagad an Judío iyo itong nasa sa irarom nin boot; asin an pagtuturi iyo itong nasa pusó, sa espíritu, bacong sa letra ó surat; an caomauan caini bacong sa magña tauo, condi sa Dios.
1 ¿Tara ano an inoorogan can Judío? ¿O ano an papaquinabagñon can pagpaturi?
2 Dacol sa gabos na magña bagay. An enot nangayod caiyan, na an tataramon nin Dios ipinaniualá sa sainda.
3 ¿Alagad, páano con may magña nagcapirá sa sainda na day nagtutubod? ¿an day ninda pagtubod maguiguing hamac an catotoohan nin Dios?
4 Day nangayod sa anoman na bagay; condi marhay pa na an Dios mani totoo, asin an gabos na tauo magña puticon; siring sa nasusurat: Tagñaning magcanigó ca sa saymong magña tataramon, asin macadaog ca con paghocoman ca.
