na tauo na nag-guiguibo caitong maraot, an Judio gñóna asin an Griego man:
10 Alagad an Camurauayan, asin caomauan patin catoninogñan sa quiysay man na nag-guiguibo nin marhay, sa Judío gñóna asin sa Griego man.
11 Háros ta day mayó nin capalaenan an magña tano dapit sa Dios.
12 Huli ta si gabos na nagñagcasala siring baga sa mayó nín togon ó ley, sa day mayó nin catogonan sinda magagadan man; asin si gabos na dian sa togon nagñagcasalá, dian sa catogonan sínda man hohocoman.
13 Háros ta bacong an magña parahinañiog nin togon iyo an magña banal sa Dios, condi itong magña nag-guiguibo can manogñod sa catogonan an pa pagcanigóon.
14 Háros ta an magña Gentiles na magña day mayó nín catogonan, sa caugaléan con guibohon ninda itong nasa catogonan, an magña siring, minsan gayod mayó nín catogonan, sinda iyo an catogonan sa sainda man sana:
15 Na ipinagpapahayag an guibo sa catogonan na nasusurat sa saindang magña pusó, na nagpapatotoo man sana an saindang magña paghoná, asín nag-aabla sa sainda man sana, patín man nagsasayuma an saindang magña pagisip sa sainda man sana;
16 Sa aldao na an Cagurangnan maghobhcom caitong nahihilom nín magña tauo, siring sa sacuyang Evangelio, huliqui Jesucristo.
17 Uya digdi, ica iguang icaduang paggñaran na Judío asín namumugtac ca sa catogonan, asin nagoogma ó nagpapamurauay ca dian sa Dios,
18 Asin natatalastasan mo an saiyang cabótan, palin pinapagcanigó mo itong orog carahay, ta nacatalastas ca can togon.
19 Asin nananarig ca na ica iyo an paracabit sa magña butá, ilao nin magña nasa sa cadicloman,
20 Paratocdó sa magña mayó nin pacanood, Maestro nín magña áquí, na igua ca nin dagñog sa pacanood asin sa catotoohan nin togon:
21 Alagad ica nangayod na nagtotocdó sa iba, ¿day ca
