29 Asin sa tacot ninda na mapabonggo sa cagapoan, naghorolog sinda nin apát na bontogon* sa olin; asin nagmamarauot sinda na mag-ága na.
30 Asin sa pagpipirit can magña tagá-dagat na magdorolag sa sacayán, asin can icaibaba na an bote sa dagat, na an dahelan ninda magboborogtac nin bontogon sa dolong,
31 si Pablo sinabihan an capitán asin an magña soldado, Cun sinda day magcauaralat sa sacayán camó day macacaligtas.
32 Iyo idtó an magña soldado pinotol an magña gacot can bote, asin pinabayaan nindang maholog,
33 Asin can nagdadatong na an caagahan, si Pablo hinatolan an gabos na magcaracan, asin nagsabi, Igua nang cag-apát na aldao na naghaharalat camó asin nagtataragal camó can gotom, asin day camong quinacacan na anóman.
34 Cayâ gñani, naquiquimaherac acó sa saindo na magcaracan camó: huli ta ini sa carahayan nin saindong buhay.
35 Asin pacasabi nia caini, quinuá an tinapay, asin nagpasalamat sia sa Dios sa atubagñan nin gabos, asin pinagbaragñâ nia idtó, nagpoón magcacán.
36 Dagñan cominosog man an boót can gabos; asin sinda man nagcaracán.
37 Asin camí gabos na nasa sacayán duáng gatós pitong polo may anóm catauo.
38 Asin can magcabarasog na sinda, pinagpalataó ninda an sacayán, na pinag-aarapón ninda sa dagat an trigo.
39 Asin, can aldao na, day na ninda namimidbid an dagâ; tará natatânao ninda an sarong licôan nin dagat na iguá nin baybayon, na digdi pinaghigñoa ninda na padoogñon an sacayán, cun mangyayari.
40 Pinotol ninda, gñani, an magña bontogon pinabayaan sa dagat; asin tolos man saná hinobad ninda an magña gacot nin olint asin can icaitaas na ninda sa doros an layag sa enotan, pinadoong ninda an sacayán sa baybayon.
41 Tará can pagdatong sa saróng lugar na pinagcacasabatan nin duang dagat, ibinará ninda an sacayán; asin an dolong,
* Ancla. Timón.
