18 Asin huli ta bio caming pinasasaquitan nin baguió, can sominonod na aldao nagporoón magtapoc* sa dagat can magña lunad;
19 asin can icatolong aldao, inapon can saindang sadiring magña camót an magña casangcapan nin sacayán.
20 Asin huli ta day pa sirang an aldao, ó an magña bitoon sa halauig na magña aldao na, asin dominatong sa samo an bacong sasadang na baguió, nauara sa samo an anóman na paglaom na macaligtas cami.
21 Asin huli ta haloy nang panahon na day nin pagcacán, si Pablo tominindog sa tahao ninda, asin nagsabi, Magña cagurangnan, cun dinagñog cutána nindo an cahatolan co, asin day cutâna naghalé sa Creta, nacalicáy cutâna quitá can pagcaolang na ini asin casaquitan na ini.
22 Asin gñunian hahatolan co camó na pacosogon nindo an boót; huli ta si-isay man sa saindo day nin magagadan, cundi an sacayán sana.
23 Huli ta sa banguing ini tominogñá sa sacó an sarong ángel nin Dios, na cagsadiri sa sacô, asin sia man an pinaglilincodan co,
24 sia nagsabi, Day ca matacot, Pablo, quinacaipuhan icá na icaatubang qui Cesar; asin uya, ipinagcatalaga sa saimo nin Dios an gabos na magña caiba mo sa pagsacay.
25 Caya gñani, magña cagurangnan, pacosogon nindo an boot; huli ta minatubod acó sa Dios, na mangyayari siring sa sinabi sa sacò.
26 Tará idadagsâ quitá sa sarong porò.
27 Tará can pagdatong can icacag-apát na banguí, na dinará cami sa mag-ibong-ibong can dagat nin Adriático, an magña tagá-dagat can pagmatagñang bangui naghonahonâ sinda na naghaharani na sa arin man na daga.
28 Asin sinocol an cahararoman, asin nácua ninda na mnay duang polò na sanang dopà an cahararoman nin tubig; asin paca oro-enotan nin cadiquit sinocol ninda liuat, asin nácua na may caglimáng dopá.
- Mag-apon.
† Marinero.
