15 Asin an magña naghatod qui Pablo, dinará sia sagcod sa Atenas; asin pinasogoan si Silas asin si Timoteo, na magdirigdi sa saiya tolos man saná, asin nagdurumán.
16 Asin dagñan na si Pablo naghahalat sainda sa Atenas, ' an saiyang espíritu namomondo pacahiling nia can ciudad na pano nin anito.
17 Cayâ gñani, naquipagsuhay sia sa magña judio sa sinagoga asin sa magña gentil na banal; asin sa sâdan, aroaldao, sa magña napapadumán sa saiya.
18 Asin iba inan na magña filósofo sa magña Epicúreo asín sa magña Estóico, naquiquisuhay sa saiya; asin an magña iba nagsasarabi, Anóng boót sabibon can matinaram na ini? Asin an magña iba, Garong para-baretâ sia nin magña bagong dios; huli ta ipinaghuhulit nia si Jesús asin an pagcabuhay liuat.
19 Asin quinuá sia gñani, dinará sia ninda sa "Areopago," na nagsarabi, Mangyayari dao na maisihan mi cun anó ining bagong pagtocdo na isinasabi mo?
20 huli ta ilinalaog mo sa samong magña taligña anan na magña bagong bagay: boót mi gñaning maisihan cun anó an cabologan caini.
21 (Huli ta an gabos na magña tagá Atenas asin an magña tagá ibang dagâ na naquiquiontoc dumán, day nin ibang nasasabotan cundi, ó sa pagsabi, ó sa pagdagñog, nin anoman na bagay na bago).
22 Can dudumán gñani, si Pablo sa tahao nin Areopago, nagsabi. Magna lalaquing tagá Atenas, sa gabos na bagay nahihiling co na camó labi-labi ca magña para-anito.
23 Huli ta sa paglacao co asin sa pagcamasid co can magña bagay na saindong sinasambá, nacuá co man an saróng altar na siring na nasusurat:
SA DIOS NA DAY NAMIMIDBID. Caya idtong pinagsasamba nindo na day nindo namimidbid, iyo iyan an ibinabarétá co sa saindo.
- Cahorohalangeao na tribunal sa Atenas.
