4 Asin an magña iba sa sainda nagturubod, asin naquisomarò qui Pablo asin qui Silas; asin siring man an daculang cadaclán na magña banal na Griego, asin bacong didiit na magña babayeng minamahal.
5 Alagad si magña judio na magña day nin pagtubod, dará nin pagcaarà, nagcuruá sinda nin magña tauong daing guibo, magna maraot na lalaqui, asin nagboroniog sinda na riniboc an ciudad; asin sinalacat an barong ni Jasón, na pinag-iigñoa ninda na icaatubang sinda sa banuaan.
6 Asin ta day ninda nacuá, guinoyod ninda si Jasón asin an ibang magña tugang sa atubang nin magña poón nin ciudad, na nagcucurahao: Ining magna tauong ini na riniríboc an quinâban nagdirigdi man;
7 asin inacò sinda ni Jasón: asin ini gabos nagguiguiribo tumang sa magña casogoan ni César, na nagsasarabi, na may ibang hade, si Jesús.
8 Asin riniboc ninda an banua asin an magña poón sa ciudad, pagcadagñog can magña bagay na ini.
9 Asin can maacô na ninda an panaysay ni Jasón asin nin magña iba, binutasan sinda.
10 Asin an magña tugang tolos man saná, pagcabangui, pinasogoan si Pablo asin si Silas sa Berea; na sinda pagdatong dumán, nagralaog sa sinagoga nin magña judio.
11 Ini magña maboboot qui sa magña tagá Tesalónica, huli ta inacó ninda an tataramon sa bilog na pagmamauot, na inooguid sa aro-aldao an magña casuratan, cun an magña bagay na ini iyo man nangayod.
12 Caya balaquid sa sainda an nagturubod; asin magña babaye man na Griega na minamahal, asin bacong diit diit na magna lalaqui.
13 Alagad can maisihan can magña judiong tagá Tesalónica na sa Berea man ibinaretâ ni Pablo an tataramon nin Dios, nagdurumán, asin dumán man riniboc ninda an banua.
14 Iyo idtó, tolos man saná, an magña tugang pinahalê si Pablo, ta gñaning padumán sia sagcod sa dagat; alagad si Silas asin si Timoteo napaualat dumán.
