Minsan dai igo pañong encantado
itatao Señor sa camahalan mo
simong gauagaua o cagurangnan co
an virtud caiyan daculang tatao
Ano man hagaron na saimong boot
digdi caining paño maluas gñani tolos
ario man na aldao con ano an mauot
sa simong atubang maabot man tolos.
Ano man na sakit omabot saimo
mani sa batalla sa daculang hocbo
pagñaco co Sr. gnonian sa saimo
uya ining buhay na idadamay co
Olay nin principe, magbuat ca gñonian
tao cong libertad simo naag camtan
minsan ica-angot nin ama cong mahal
aco an magsangle simong casakitan
Simbag nin Gigante o principeng mahal
pagpasalamat co daing catapusan
an sacuyang balos sa daculang utang
hade ca nin magna hayop sa bukid adlagan
Pagca biniclad mo an pañong tao co
magña leon tigre malohod saimo
caya paaram na maduman na aco
mapuli sa sacong eroc a desierto
Inihong Gigante tolos cagghale ba
asin an principe pomiroli sia
tara an alcaide ta natatacot sia
inosip an bagay sa real monarca
Dai pa natatapos idtong pagtalastas
cadtong sa alcaideng pinalahayag
an Hadeng si Artus na anget di hamac
na an daghan haros garo na mabaac
Tolos na inapod an magna soldados
saindong dacopa aki cong malobo
sa di catanosan saiyang guinibo
magbabayad sia gnonian sa camot co
