Alang-alang Sr. o principeng mahal
sa sarong Dios nin magña buñagan,
acong sarong preso simong caheracan
lingya man Sr. ining hasakitan
Maogmang principe nin herac nagdara
idtohong alcaide inapod na nia
dagnan pinabucsan idtong bartólina.
Gigante lumuas saiyang nakita
An bilog na hauac anan na may batbat
an bitis may perao an camot may posas
herac nin principe dai nin casugad
ipinagboot nang tanan nin libertad
Inihong Gigante aso mahebadan na
dapan nin principe hominadoc sia
daghan na nambitan nin catacataca
luha nagbobolos sa saiyang mata
O principe gñaya halauig nang aldao
pagtios cong ini caining casakitan
pagcacan paginom pinagtatacadan
can hadeng ama mong may capangyarihan
Daing nagpasoco can cabagsican co
solo, si Artus na hadeng victorioso
dinaog an bagsic nin pagcaencanto
daing naguinibo sagcod familia co
Hilgnon mo, principe ta haloy na nangad
magpoon can aco saiyang mabihag
sadagñon pa ica na bagong mamondag
caining bartolina aco ibinogtac
Gñonian lamang aco nagcamit guinhaua
paglaog mo digdi o vuestra alteza
hilgna man Sr. nin misericordia
caiyan maheracon maugayon mong mata
An saimorg herac na dai nin cabarang
paglilingcodan co caining sacong buhay
balos co saimo minsan alang-alang
mahalon mo Sr. ta may pakinabang
