Magayon na gayo, síring man maláad,
Nin talá sa lángit, totoong kasugad,
Maogma, dalisay, kabaing na labat,
Iyan daliwawa na naghihimundag.
Kun an panganoron nakúray nin bughaw,
May sarong diwatá an tórog malínaw,
Sa sadíring dagá na kinatubúan,
Na nagaanyaya lubos na pagmahal.
Sa saíyang bitis sadyang nagdodólot
An sabo kan dágat mapagmutyang hadok;
Solnopan nagálang sa saíyang ólok,
Asin an Lontokan sa saíyang soklob.
Magtatagolaylay Musa kong marinas,
Táhaw nin Náyades asin nin Ondinas;
Alay ko saiya an mongáyang labat
Na síring man nganí an marhay kong pálad.
Kinayángang rosas153 nin mirto na hidyaw,
Mga azucena malinig na marhay,
An saíyang ángog, orog kadalisay
Kan mga iniho saindong potongán
!Ining Filipinas nindo ipagrokyaw,
Oh mga artistas, na mga mabahan
153 Mga burak na pula.
