Sa tíngog na taga lángit,
Kalaban nin rawitdawit,
Na sa sarisáring áwit,
Sa banggi na matiwásay,
Tawo símong hihalean
Mapait na kasakitan;
Ika, na sa batong lag-it,
Simong dinadagka an kotob nin ísip,
An giromdom na malínig
Kan gaum na maanilag,
Pinagdánay mong labat
Nin kamot, mangyáring háyag;
Ikang an kagilantasan
Kan talá-nin-ágang ámay,,151
Ni Apeles minámahal,
Asin an soklob kan katalagahan,
Nin pincel na mabansay,
Paráting sisaladawan;
!Dumalagan kamo! an banal na láad
Kan gaum an omaw pomotong naghalat,
An dangog kinakálat,
Kan bodyong iwináwasak,
Ngaran nin may kagadanan,
Mahiwas na kalikosan.
!Aldaw, magayagaya aldaw,
Filipinas, na magalang,
Sa saímong dagang mahal,
Sa Mapangyari152 pagómaw,
Sa horot na mapagmahal,
Pipadara simo pálad na marahay,
Síring man an karangahan!
151 An makaaga.
152 An Mahal na Dios.
