Nasa siring siyang mga kaborongan kan domatong sa partidong sa pamahalaan; si Dofa Victorina, si Don Tiburcio asin si Linares.
Si Dofia Victorina nagtaram sa ngaran kan tolong lalaki asin sa saiyang rogaring na pagngaran, sinambit su mga pagsongko ni Linares sa Capitan General, asin paulit-ulit na nagpadamgo na magkaigwa nin sarong kadugong may categoria.
“!Na!” an saiyang mapanapus na tataramon, “siring sa samong sinabi, an minasirong sa marhay na limpoy, nasasandgan sya nin marhay na kahoy.”
‘!A...a...baliktad, babayé!” sinagwé kan doctor.
May mga pira nang aldaw na nagsasaginsagin sya sarong andaluza, kinakaon nya; d asin a z ipinapalit sa s, asin ta daing nakakahalé sa saiyang payo kan siring na kaisipan; magpapabaya pa syang haklasan kan pelukang korong.
“Oho!” an saiyang digang na katagé kan masambit nya si Ibarra, “iyan an magkakanigo saiya, sinabi ko na kan énot ko pa sanang pagkakita saiya, ini sarong filibustero. Anong sinabi saimo, singaki, kan Capitan General? Anong itinaram mo saiya, anong ibinareta mo saiya dapit ki Ibarra?”
Asin kan makita nyang haloy na sumimbag su saiyang singaki, nagpadagos sya nin pagtaram na inatubang si Capitan Tiago.
“Maniwala ka sakuya na kun mahatolan sya nin kagadanan, siring sa mapapaghalat, sa sakong pinsan.”
“Ginang! ginang!” an mapanuhay na saligbaton ni Linares,
Alagad dai sya tinaohan nin panahon.
“Ay, diplomatico ka nang marhay. Talastas nyamo na ika an consejero kan General, na dai mabubuhay kun dai ka... Ah! Clarita, abaang kamongayahan kan pakakita saimo!”
Malungsi pa si Maria Clara, minsan ngani naomayan na syang bulanos sa saiyang kahelangan. Su saiyang halabang buhok nabobogkos nin sarong boroboghaw na listOn na sukla. Nangangalangalang sa saiyang pagtaong-galang, mamondong naghohoyomhoyom asin dominolok ki Dofia Victorina sa paghadok siring sa kinaugalean.
Pakatapus kan mga pinagtotodan na mga kataga nin tataramon, nagpadagos su palsong andaluza (141-a):
