nagluwas sa bobon, sakalé sarong mapagtuyátuyang
pangbahasa. Sa táhaw kan nátad kan tribunal itoon
an marayrahay na kodalkodal nin sarong bobon, na
gibong koramkodam sa mga gapong buhay, sarong bantiwas na kawayan ginagamit sa pagkoa nin túbig, malábog, maati asin maraót an parong. Mga ganga, mga
ati asin iba pang mga siyaing (118-a) nagkakatiripon
duman, tara an ogsob na ito siring kan bilanggoan; duman minasampot an anó man na isinisikwal o ibinibilang na daing kanongdanan kan gabungan na dai kanongdanan, an sarong bagay na mahólog duman, minsan
anó karahay, ibinibilang nang nasayang. Alágad, dai
nanggad ito tinatambonan, kun minsán sinisilotan an
mga bilanggó na tugkadon asin akadan ito, bakong huli
ta may pinaghohonang anó man na kapakinabangan sa
pasákit na ito, kundi huli kan mga kapawotan sa pag..
gibó nin siring, an bilanggó na minalaog dumán, linalagnat asin parating nagagadán.
Sa potitok na paghiling pinagmamasdan ni Társilo su gabós na mga hinahandá kan mga soldados, malungsion na marhay asin nagngingibigkibig su saiyang ngabil o nagkikimotkimot nin sarong pamibí. Su kaabhawan kan saíyang pagkadai-nin-pagsárig garong napará o, kun baga man, lominuya. Makapira idinokó su saíyang tanós na líog, ipinotítok sa dagá su paghiling, natatalagang magtíos.
Dinara sa may kodal kan bobón, kasonod si Doña Consolación naghohoyomhoyom. Sarong paghiling nin kauríhan ipinasalimbad kan daing pálad sa natatambak na mga bangkay asin sarong hagayhay nakaluwas sa saíyang daghan.
"!Sabi na!" inolit namán syang taramon kan directorcillo; "anó man mangyari, bibitayon ka; magadán ka lámang na dai magagi nin makúring sákit."
"Digdi maluwas ka pasíring sa kagadanan," an sabi saiya nin sarong cuadrillero.
Hinalean sya kan bogkos sa ngosó asin binítay syang itontón na suwí asin paabanabanón sa irárom kan túbig, síring kan ginigibo sa balde, an kalaenan lámang iyo ta an tawo pinapahaloyhaloy. Hominalé su alférez sa pagháhap nin taknaan asin sa pagbílang kan mga minuto.
Alintaná, si Társilo nabibítay, naghahapoyhápoy sa doros sa saíyang halábang búhok, medyo piyong su mga
