núhay kan lalaki na napasibog nang nanunúmang.
"An pagsermón? Trabajo an pagsermón? Haen an saimong isip? Muya kong magparatáram sa laog nin kabangang aldaw, sa púlpito, pinagdadagitan asin pi- nangingisogan an gabós, na dai nin nagngangahas na somimbag, asin binabayadan pa ako hulí kaiyán! Muya kong magcura saró sanang semana kun naghihirinaniog nin misa an mga may útang sakuyá! Hilinga, hilingá sana nindo si Padre Dámaso kun paanong nagtatabá sa makúring pangingisog asin pagngongolog!"
Talaga man nanggad na nagdadangádang si Padre Dámaso, sa matabang lalaki su lakawon, naghohoyom- hoyom alágad sa sarong maraoton na gáyong paagi ma- lá ngani ta nawará su pagkasorosorogpon kan pigsasabi ni Ibarra.
Pinataratara si Padre Dámaso, minsán ngani may kapalaenan, alágad may mga pagpahiling man nin ka- ogmahan su kagabsan, maliban ki Ibarra. Naghihina- napus na su pagkaon asin nagnga-aalisubo sa mga copa su champan.
Náging sa makukurabnon su hoyom ni Padre Dámaso kan makita si Maria Clara na natutukaw sa too ni Crisóstomo, alágad; pakadara nin silla sa katáning kan Alcalde, naghapot sa táhaw nin sarong kamoninongan na makahologán.
"May pinaghohororonan na sarong bágay mga ginoo? saindong padagosa!"
"Pinagalapan" (405) an simbag kan Alcalde. "Pi- nagsasambit ni Ginóong Ibarra su gabós na mga nag- tarábang saiya sa saiyang makibanwaan na gibo asin naoonabihan su arquitecto, kasu an Saimong Kagalang- gálang..."
"Dai akong pakasábot, dapit sa arquitectura" an ágaw na tataramon ni Padre Dámasó, "alágad pinag- ngingisihan ko an mga arquitecto asin an mga kulang- kúlang na minadorólok sainda. Hoyan ikinúrit ko an plano kan simbahan na iyán asin dai nanggad nin ka- kundian an pagkapatindog, iyong sabi sakó nin sarong joyérong ingles nakisakat sarong aldaw sa convento. Sa pagkúrit nin plano igó magkaigwa nin duwang moró sa atubangan!"
"Alagad," an simbag kan Alcalde kan makita na dai nagkakaalo si Ibarra, "kun manongod na sa mga edificio siring baga halimbawá, kan paadalan na ini, nagkaka-
