mapiritan na makilimós, síring sa ginigibo sa gabós na
taón kan cura sa ngaran kan Papa. Nahehérak akong
maghiling sa sarong dukhang santo asin sa giráray
itinatao ko an gabós kong natitikis."
Rominani an saró pang taga oma na nagsabi:
"!Oyon nang gayo, komadi, madoktor an sakong akí; daing makakaárog sa doctor!"
"Doctor! halo, kumpadi," an simbag kan Petra; "daing makakaárog sa cura!"
"Cura? prr! cura? !Dakol na kuwarta an sinisingil kan doctor; ginagalangan siya kan mga naghehélang, kumadi!"
"Utang na gálang! An cura, bomirik sana nin makatolo o apat asin magsabi nin déminus pabiscum (404) kinakaon an Dios asin nagaákó nin kuwarta. Gabós, sagkod an mga babaye, nangagoosip saiya kan saindang mga tágong-hílom!
"Asin an doctor? Tara, anong paghoná mo sa doctor? Nakikita kan doctor an gabós na nasa-saindong mga babaye, pinopulso an mga daraga... ! Muya kong magdoctor nin sarong semana!"
"Asin an cura? dai daw nakikita kan cura an nakikita kan saindong doctor? !Asin orog pa karahay! áram mo na an talinhagá; matabang guná asin bilogón na paa sa cura!"
"Tara anó? nagkakaon daw nin mga alang na sardinas an mga parabólong? nagkakakorologan an mga kamot sa pagsirá nin asin?"
"Naatían an kamot kan cura síring kan sa saindong mga parabólong? Kayá hulí kaiyán may mga darakúlang hacienda, asin kun nagtatrabaho may togtog asin pigtatabangan kan mga sacristán!"
"Asin an pagpakumpisal, kumadi, bakong trabajo?"
"Na trabajo iyán! !Mamumuya kang magpakumpisal sa kagabsan! Nagpopolotpogot asin dinadaplos sa pagsiyásat kun nagaarano an mga lalaki asin mga babaye, na satong mga kanarátad! Daing ibang ginigibo an cura kundi magtúkaw, asin gábos isinasabi saiya; kun minsan nagngangatorog, alágad minabuhi nin duwa o tolong bendición asin mga aki na namán kita nin Dios! Muya kong magcura sarong hapon nin lapás!."
"Asin an... an pagsermon? dai mo ako pagsabihan na iyán bakong trabajo. Hilingá sana ta ginanot nin makuri kasu bagong aga su cura na dakulá!" an panu-
