kan maaraman an boot sabihon kan ibang mga tanda
asin hinubad sa ibang mga kataga an ibang mga tataramon, satuyang masasalom na daing and man lamang
na kahandalan na an siring na mga bagay nanonongod
sa madiklom na kapanahonan nin tawo, sa mangitngit
na katarahanan na parating apodan tang dai mapapanubdan. Tara, mga Ginoo; tanganing magkaigwa kamo
nin kadikit na pakatalastas kan pagkatoong kan satong
mga kaapoapoan sa pagkadaing-pakasabot, igo nang
sabihon ko saindo, na su mga nangageérok digdi bako
sanang may mga minimiridbid pang mga hadé, kundi
sa paghtusay kan mga suliranin kan saindang pamahalaan sa laog, kaipuhan pang dumuman sinda sa ibong
na sogod kan kinaban, na siring baga sa masasabi nyato
na sarong hawak na kun minahiro kaipuhan pang makihumapot sa saiyang payo na namumugtak sa ibang
gampi kan daga, sakalé, sa mga pook na ngunyan nagkakatarago kan mga alon. Ining dai mapapanubdan na
kakundian, minsan sa saindong akala, harayo sa katotoohan, malilikayan an siring na kamugtakan kun satong iisipon an mga suwasadnang (391) kan mga linalang na ito, na pahanga kong pangahasan na apodon
na mga tawo! Kan mga panahon na ito soanoy, an mga
linalang na ini nasa (okun tinotubod na siring) directo
pang relacion sa Kaglalang sainda, tara igwa sinda nin
mga kasalihid kaiyan mansana, mga linalang na nagkakaralaen sa iba asin sa giraray inaapod kan dai magkasarayodan na mga guhit na M. R. P. Fr. (392) na
sa paghubad kan mga ini sa ibang tataramon bakong
sararo an satong kamadonongan. Sunod sa medianong
profesor kan samong mga pananaramon, tara sangatos
(100) lamang an saiyang pigtataram kan mga makakundian na horon kaitong soanay, M. R. P. mangangahologan na Muy Rico Propietario, tara an mga ministro
na ini, bilang baga mga may pagkadios, mga banalon
na gayo, mga marahay na gayong magtalumpati, haralangkawon an saindang pakanood, asin minsan dakulaon an saindang kapangyarihan asin marhay an dangog, sagkod pa man dai sinda nakakaginibo nin pinakagian na sala, na minaparigon kan sakong pagtubod
sa pagakala sainda na ibang katalagahan (393) na laen
man sa iba. Asin kun ini dai pa giraray magkanigo sa
pangangatig kan sakong ganan, natatada pa sako an
pangatanosan na dai sinosuhay nin siisay man asin
