giraray sa kagabsan: sayang lamang su paghinguha nin
nagkapirang mga devotas na mangagtangis sa mga
kasal-an nin mga tawong tampalasan, alagad napiritan
sinda na talikdan su saindang boot gibohon huli ta dai
sinda nin mga kasarabay. Sarongat na gayo su nasaisip ni Hermanang Puté mansana. Sarong lalaki na
saiyang kataid nangatorog na gayo, mala ngani ta naholog asin ta nagomos su saiyang bañya asin sa mga
badol pinoonan itong pukawon na nagkukurahaw:
“Ay! halé, salvaje, hayop, yawa, damilag, gadya, condenado!”
Nagkagorobot na gayo siring sa talagang mangyayari. Ominorong su predicador, na nangorondot na gayo ta napangalas huli sa siring kadaktlang escandalo. Sa saiyang kabaldian, napoot sa saiyang halonan su katagang saiyang isasabi asin ta daing ibang naginibo kundi omilya na nagtotolop sa pullpito. Ini nagkaigwa nin bunga: binotsanan kan gurang su bakya na nagngongorobngorob asin, pakapangurus nin nagkapira, malodok na lominohod.
“!Aaah!” nakapagsabi man giraray su padi na may kabaldian na nanikmoroan asin nagkikirikiri; ‘“nagkaaga na ako nin kapepredikar saindo huli kaiyan, mga salvaje! Digdi sa harong nin Dios nagiiriwal kamo asin nagsasabi kamo nin mga maraot na tataramon, mga daing-sipog! !Aaah! dai na kamong iginagdlang... ! Iyo ini an gibo kan karigsukan asin pagkadaing-kabinian kan panahon na iniho! Dati nang sinabi ko, aah!”
Asin mapadapit sa bagay na ini nagpadagos nin pagpredikar sa laog nin kabangang horas. Su Alcalde naghahagong, si Maria Clara nagdudunga-dunga; dai nalabanan kan makautigay su pirot, ta mayo na syang ladawan okun longon na saiyang mapagatidatid asin mapagalingalingan. Dai nangirogkirog si Ibarra kan mga tataramon, siring man kan mga pasarampi; iyo na nyang ilinaladawan sa isip an sarong harong-harong sa alitoktok nin bolod asin saiyang nakikita si Maria Clara sa tanaman. !Sa irarom kan kapatagan nangaghihiriro an mga tawo sa saindang makautgay na mga banwaan!
Makaduwa pagpatilingtiling si Padre Salvi, alagad ini garo mansanang pagdosog nin songo sa kalayo: matagas an payo ni Padre Damaso asin pinahalawig logod su sermon. Nanggogdéop si Padre Sibyla asin makapira
