Ominagi si Padre Damaso sa tahaw kan katawohan, pinangengenotanan nin duwang sacristan asin pinagsusunod nin saro pang fraile na may darang dakilang cuaderno. Napara pagsakat sa nagsasabod na hagyanan kan pulpito, alagad madaleng tominonga su payo nyang bilogon, dangan su saiyang matabang oyongan sinonod tolos mansana kan saiyang lawas. Nangalagkalag na bulanos sa bilog na palibot; nakita si Ibarra: sarong napapalaén na kiyat nangahologan na dai malilingaw sa saiyang mga pamibi; dangan sarong mamongadyang paghiling ki Padre Sybila asin sarong mapaglanghad ki Padre Manuel Martin, su predicador kasoodma. Pakatapus pangalagkalag, hilom na inatubang su talagad (370) na sinabihan: “Pangataman, tugang!”, binuksan kaini an sarong cuaderno.
Alagad magkakanigo an sermon nin laen na kabtang. Isinurat ito sa taquigrafia nin sarong hagbayon na nagaddal kaito sa taquigrafia asin namumuyang bulanos sa mga darakilang mananalumpatt; huli kaini nakadara kami nin kapuknit kan sinanglitan na oratoria kan mga ronang ito.
Luhayluhay na nagpoodn si Fray Damaso, kasiyahan na tingog su saiyang paghilwas:
“Et spiritum tuum bonum dedisti, qui docéret eos, et manna tuum non prohibuisti ab ore eorum, et aquam dedisti eis in siti.” “Asin itinao mo sainda an marhay mong espiritu tanganing hulitan sinda asin dai mo hinalé su mana sa saindang ngoso asin tinaohan mo sinda nin tubig sa saindang pagkapaha!”
“Mga tataramon na isinabi kan Kagurangnan sa ngoso ni Esdras, ikaduwang libro, ikasiyam na kabtang, ikaduwang polong versiculo.”
Nagtakang huminiling si Padre Sibyla sa predicador ; nanglungsi si Padre Manuel Martin asin daing gironggirong: lalong marhay ito ki kan saiya.
Maging namangnohan ni Padre Damaso okun magi man na paas pa sya, nagkapira pagabo na ibinugtak su magibong na kamot sa alindoonan kan pulpito. Su
