pagkamokoymokoyon, garo namomongayahan na gayo,
tara pinaglilingkodan sya nin duwa pa naman na agustino
bilang subdiacono asin diacono.
Lambang saro nagkanta, pagdatong kan saiyang panggilan (366), marayrahay, minsan ngani bohod asin bakong sayod; su tingog kan celebrante naggogorogodo, bako sanang pira pagsala sa tono, sa dakulang pagtaka kan mga nakakamidbid saiya. Alagad hinorokol su saiyang hirohiro asin tihantik (367) na gayo; malodok su pagawit niya kan Dominus vobiscum asin kilingkiling su payo asin sa itaas su paghiling. Kan makita siyang nagsasangongo kan aso kan kamangyan, masasabi na si Galeno (368) tama kan akoon niyang dapat somohot an aso sa loho kan dongo pasiring sa bagolbagol, tara minatanos sa pagkatindog, iinooropling sa likod su payo asin minalakaw pasiring sa tahaw nin mabaskog na hirohiro mala ngani ta natuklasan siya ni Capitan Tiago na lalong pand nin kamahalan ki kan comedianteng intsik na saiyang nakita kan bangging tominalikod, na may gibing na sa emperador, may mga worowagayway sa likod, bonday nin kabayo su barrabas asin mahibog su panontong kan sapin.
“Daing duwaduwa,” sa saiyang pagloba, “saro sanang cura nyamo lalong may kamahalan ki sa gabos na mga emperador.”
Ominabot man giraray su pinagmamawot na horas sa paghinanyog ki Padre Damaso. Su tolong (3) padi nagturukaw sa saindang mga sillon sa kamugtakan na makakasadol sa kabanalan, sunod sa masasabi kan may dangog na corresponsal; su Alealde asin iba pang mga tawong may mga vara asin mga baston nagpangarog sa mga ito: tinonong su togtog.
An pangyaring ito na natonong su ribok iyong nakaptikaw sa satong gurang na si Hermanang Puté na naghohokragong na huli kan togtog. Siring ki Segismundo (369) o siring kan cocinero sa osipon ni Dornroschen, an énot na ginibo pagkagimata iyo an pagsapak sa saiyang makoapo, na nangatorog man. Suminiwik ini, alagad naaling tolos kan makita su sarong babaye na nagtotombok sa daghan, tiwalang gayo asin maogmahon.
Gabos naghingihang mamugtak sa marhay na kamugtakan: su mga daing bangko, nagtorokro, su mga babaye sa salog o sa saindang mga paa.
