ngani nagsasabi si papa na bako man na magabat an
saimong pakamaté. Kasubanggi asin naoyam ako ta
pinapagtogtog ako kan piano asin inaagda akong magsayaw.! Dai ko naaraman na kadakol na sarawayon sa
ibabaw nin daga! Kun bakong huli ki Padre Damaso
na naghihinguhang malinga ako sa pagoosip asin pagsabi sako nin dakol na mga bagay, naminto kuta ako
sa sakong lalamban sa pagkatorog. Suratan mo ako
kun anong kaipuhan mo, ta sasabihan ko si papa na
giawon ka. Ngunyan ipinadara ko saimo si Andeng
nganing iluto kang tsa; tatao siyang maghanda kaiyan
asin sakalé marhay pa sa saimong mga sorogoon.
- “Maria Clara.
“Palapag.—Kun dai ka dumigdi, dai ako maduman sa cermonia:
- Iyo man giraray.
Su mga nag-eerérok sa banwaan nagkapurukawan kan mga banda kan musica na nagtorogtog nin diana pamukaw na mga togtogon, pagdaliwawa kan kaagahon, Nagngabalik na naman su dating kamongayahan, su mga campana nagngarerepike na naman asin pominoon su purotokan.
Huring aldaw kan pintakasi, su tunay man nanggad na pintakasi. Pinaghahalat kaito na dakol an mga makikita, labi pa kan sa sinondan na aldaw. Su mga Hermanos kan Venerable Orden Tercera halangkaw sa bilang sa mga Hermanos kan Santisimo Rosario, asin nangaghohoyomhoyom na gayo, na daing pagduwaduwa na masosopgan sainda an saindang bilang mga kaiwal; kadakol kan binarakal na mga kandila makuring gayo, su nasarokan na kapakinabangan kan mga parakandilang intsik, asin bilang baga kapasalamatan nagisip sindang pomaborongyag, minsén ngani nagpapatotoong gayo su iba na bakong huli sa pagtubod sa catolicismo, kundi sa pagmawot na magpakaagom. Aldgad sinimbag iniho kan mga banalbanalon na mga babaye:
“Minsan pa ngani siring, gibo man giraray na ngangalasan na magsasarabay na magpakasal an dakol namga intsik, asin ta mabibirik an saindang mga boot
