mga kapahamakan.
Plantilya:Indent"An gabós huli ta dai kita naghinanyog nin misa!" an hagayhay nin saró.
Plantilya:Indent"Alágad anong kapahamakan an satong nanapolan señoras?" an hapot ni Ibarra. "!Su angongolkol iyo lámang an napahamak!"
Plantilya:Indent"Iyan nagpapatotoo," an salom na tataramon kan ex-seminarista, "na sa bilog na makasal-an na pagkabúhay kaini sagkod pa man dai nakasimba an hayop na ining napahámak. Dai ko siya nakita sa kaibahan nin mga angongolkol na mga paráting magralaog sa simbahan."
Plantilya:IndentNagpasiriring su mga sakayán sa saró pang sagkad okun bonoan asin kinaipuhan na maghandá liwat nin sinigang si Andeng.
Plantilya:IndentHarárom na su kaaldawon, naghohoyophóyop su simúy, "marata na su mga alon asin minatarakombó sa palibot kan angongolkol, nagngapapatindog nin mga búkid nin mga sabo na nagsasaraga sa liwanag kan talainit, na mayaman sa kúray" siring sa sabi kan tagapagáwit na si P. A. Paterno.
Plantilya:IndentNagdaging liwat su música pigkakabray ni Iday su arpa, su mga lalaki, su mga kordiyon asin su mga guitarra na kun minsán bakó, kun gayod man barágay na gayo, alágad an orog karahay na magtogtog iyo si Albino, na talagang sa boot an pagkabray, dai nakakabay, asin sa giráray salá sa compás, asin kun minsán nakakalingaw asin minalipat sa ibang togtog na laen man na gayo.
Plantilya:IndentSiniraw su saró pang sagkad dara an daing pagláom na kamugtakan; kadákol kan nagluluba na masosompongan dumán su babaye kan angongolkol, alágad mapagrawraw an Katalagahan, asin su siló sa giráray minaluwas panó.
Plantilya:IndentNagboot si Tía Isabel:
Plantilya:Indent"An kalayuhán marhay sa sinigang; an tapás itagama nindo sa escabeche, an talusog asin an mulanbulan sa pisá: halawig an búhay kan talusog. Saindong ibugtak iyán sa siló asin idiyán sana nindo sa túbig. !An mga buyod sa sarten! Tinomón an balának sa dahon nin batag asin panoán an tulak nin kamatis."
