kahusayan sa pagatidatid kan gabós na mga bagay,
alágad mantang an gabós inalok kan marhay na magtalumpati
si Capitán Basilio, na magpahayag digdi kan
saindang ganan, an saiyang mapangyáring mga tataramon magi
logod na kapatawadán sa pagkasaday kan
sakong pagkatawo."
Nagtarangó-tangó su mga conservadores na nagkamorongayahan. “Marhay magtaram an hagbayon na ini!-!Malólot!. Katakatakang mangatanosan!” an saindang pasinarabi-sabihan. “Kanogon pang dai tataong magkuratkurat na marhay!” an pagmasid ni Capitán Basilio. "Alágad nahihiling! dai nagádal ki Cicerón, asin aki pang marhay.” “Kun minaatúbang ako saindo, mga ginoo, nin sarong programa okun mokná.” an padagos kan hagbayon, "dai ko iyan ginigibo sa kaisipan na matutuklasan nindo na daing kakundian, dai ko man linolóbang akoon nindo, boot ko man, sa sakong pagpasákop sa boot nin kagabsan, na patunayan sa mga gurang na sa giráray an samong pagisip siring kan sainda, mantang ginigibo niyamó an gabós ming kaisipan na mahusay na gayong ipinamantáag ni Capitán Basilio.” “Marhay na pagkataram, marhay na pagkataram!” sabi kan mga nagkairilay na mga conservadores; pinasabot ni Capitán Basilio su hagbayon ta sasabihan niya kun paano an paghiró kan takyag asin pagbugtak kan bitis. An iyoiyong dai naghihiró, iyo su gobernadorcillo, ribaraw, okun may iniisip an duwang bagay na ini garong iyong nangyari. Su hagbayón na nagkaigwa nin marig-on na boot nagpadagos; “An sakong mokná, mga ginoo, nagogotos sa minásunod, magtogdas nin mga bagong hilingon na bakong su mga ugalé asin mga pinagtotood-an nang makita niyató sa aroaldaw, asin hinguahon na an natipon na kuwarta dai makaluwas sa banwaan, dai man gastohan nin básang sa pólvora, kundi pamugtakón sa sarong bágay na mapakikinabangan nin kagabsan.” “Iyan!” iyan an pagoyon na sabi kan mga hagbayon; “iyan an samúyang muya.”
“Marahay na gayo!” an dúgang na sabi kan mga gurang. “Anong satúyang makokoa sa sarong semánang comedia na hinahágad kan teniente mayor? Anong ma-
