mga sasabihon napakahalagang gayo na dai súkat mapabayaan, dai man súkat ipahúring itaram, kun kayá,
boot kong makataram akong énot, tanganing mabugtakán ko iyán nin katongod na karigonan. Itogot nindo
sakúya na ako an énot na magtaram sa katiripunan
na ini, na sakong nahihilingan nin mga tawong lataw,
siring baga sa Señor Capitán na nasa-sa túkaw ngunyan, an
kaito náging Capitán, an orog kabantog niyákong
katóod na iyo si Don Valentin, an kaito Capitán man,
sakong katoód sa pagkaaki, na iyo si Don Julio, an satong
bantog na Capitán sa mga cuadrillero na iyo si
Don Melchor asin iba pang mga haralangkaw na tawo na
dai ko ngangararanan tanganing dai ako makakahalawig
na gayo mga tawong nakikita nindo digdi ngunyan.
Hinahágad ko saindo na togotan ako nindo na máenot
magtaram bago makapagtaram an siisay man. Ipagkapálad ko daw na itógot kan Katiripunan an makumbabá kong hágad?”
Asin magálang na dominokó su nagtataram asin naghohoyomhoyom.
"Nakakataram ka na, ta kanigúan an idadángog mi saimo!" an sabi kan mga sinambit nang mga katóod asin iba pa na mga minabilang saiya na sarong dakúlang manalumpati. Su mga abohón kan mga gúrang nangagpapahayag nin kamongayahan asin ta pinaghohorohapros su saindang mga kamot.
Pakapahida nin panyong suklá, su saiyang ganot, nagpadagos nin pagtaram si Capitán Basilio: "Mantang nagi kamong mga marahayon sa hababá niyakong pagkatawo, sa pagtógot sakúya na makapagtaram na énot sa kiisay pá man sa mga uya digdi ngun- yan, na rawahon ko an kapahintogótan na ini na itinaong bulanos, asin mataram ako. Linálalang ko an sakong isip na nasa sa táhaw ako kan kagalanggalang an Senado romano, senatus populusque romanus (258) na satong sinasabi kan mga mababansay na itong mga panahón na sa karaotan nin pálad kan Kasangtawohan dai na mábalik sagkod, asin hahagadon ko sa mga Patres Conscripti (259), na sasabihon kang madónong na si Cicerón kun uya sa lugar ko, hahagadon ko, mantang kúlang kita nin panahón, asin an panahón bulawan siring sa sabi ni Salomón na sa mahalagang ining cuestion lambang saró magpahayag na malinaw kan saiyang inaakala, gotos asin masipag na gayo. Iyo sana.”
