sentante apwera kun siya tubong-aking syudadano kan Pilipinas asin,
sa aldaw kan eleksyon, may beinte-singko anyos man lamang an edad,
nakakabasa asin nakakasurat, asin, apwera kan mga representante
kan partidong-listahan, sarong rehistradong botante sa distrito na
kaipuhan iboto siya, asin naka-estar na duman sa laog kan panahon
na dai makulang sa sarong taon antes kan aldaw kan eleksyon.
Sek. 7. An mga Myembro kan Camara de Representante kaipuhan elehiron sa laog nin tolong taon na mapoon, apwera kun igwang ibang itinatao an ley, sa udto kan ika-treintang aldaw nin Hunyo na minasunod sa pagkaka-elehir sa sainda. Daing Myembro kan Camara de Representante an masirbe nin sobra sa tolong sunud-sunod na termino. An boluntaryong pagtalikod sa katongdan sa anuman haloy na panahon dai pwedeng konsideraron bilang pagkaolang sa pagpapadagos kan saiyang serbisyo para sa biyong termino kan pagka-elehir sa saiya.
Sek. 8. Apwera kun igwa nin ibang probisyon kan ley, an regular na eleksyon kan mga Senador asin mga Myembro kan Camara de Representante dapat gibuhon sa ikadwang Lunes kan Mayo.
Sek. 9. Kun magkabakante sa Senado o sa Camara de Representante, pwedeng umapod nin espesyal na eleksyon tanaganing kagan an siring na bakanteng pwesto sa paagi na iatatao kan ley, pero an Senador o Myembro kan Camara de Representante na maeelehir sa siring na paagi masirbe lamang sa dai natapos na termino.
Sek. 10. An mga sweldo kan mga Senador asin mga Myembro kan Camara de Representante kaipuhan determinaran kan ley. Dai nin dagdag sa nasambit na kompensasyon an magiging epektibo sagkod na dai natatapos an biyong panahon nin panonongdan kan gabos na mga Myembro kan Senado asin kan Camara de Representante na nagpapatotoo sa siring na dagdag.
Sek. 11. An sarong Senador o Myembro kan Camara de Representante kaipuhan, sa gabos na mga pagkontra na igwa nin padusang pagkapreso na dai masobra sa anom na taon, kaipuhan igwa nin pribilehyo sa pag-arestar myentras na igwang sensyon an Kongreso. Daing myembro an hahapoton o masimbag sa arin man na ibang lugar dahelan sa anuman na diskurso o debate na sinda an naggibo.
Sek. 12. An gabos na mga Myembro kan Senado asin kan Camara de Representante, sa oras na magkapot nin katongdan, kaipuhan
