Sek. 4. An termino kan opisina kan mga Senador kaipuhan anom na taon asin mapoon, apwera kun igwa nin ibang itinatao an ley, sa odto kan ika-treintang aldaw nin Hunyo na minasunod sa aldaw kan pagkaka-elehir sa sainda.
Dai nin Senador na masirbe nin sobra sa dwang sunud-sunod na termino. An boluntaryong pagtalikod sa katongdan sa ano mang haba nin panahon dai kaipuhan konsideraron bilang kaolangan sa pagpapadagos kan saiyang serbisyo para sa biyong panahon kan panonongdan na ipinag-elehir sa saiya.
Sek. 5 (1) An Camara de Representante kaipuhan kompwesto nin dai masobra sa dos syentos singkwentang myembro, apwera kun igwa nin ibang itinatao an ley, na kaipuhan iboto hale sa mga lehislatibong distrito na binaranga sa mga probinsya, syudad, asin an Metropolitan Manila Area segun sa bilang kan saindang mga nag-eestar, asin base sa magkakapareho asin maoswag na pagdakol, asin itong segun sa itinatao kan ley kaipuhan elegiron sa paagi nin sistemang partidong-listahan kan rehistradong mga partido o organisasyon nasyonal, rehyonal asin sektoral.
- (2) An mga representante kan partidong-listahan kaipuhan
kompwesto nin beinte porsyento kan bilog na bilang kan mga representante kaibahan itong nasa partidong-listahan. Sa laog nin tolong sunud-sunod na termino pakatapos an ratipikasyon kan Konstitusyon na ini, kabanga kan mga pwestong andam sa mga representante kan partidong-listahan kaipuhan na kagan, segun sa probisyon kan ley, sa paagi nin pagpili o eleksyon hale sa trabaho, paraoma, pobreng tagasyudad, mga natural na komunidad kultural, kababaihan, mga aki asin an iba pang mga sektor na pwedeng itao kan ley, apwera kan relihyosong sektor.
(3) An kada lehislatibong distrito kaipuhan kompwesto kun pwede, kan teritoryong magka taraning, biyo asin hararani. An kada syudad na an populasyon dos syentos singkwenta mil man lamang, o an kada probinsya, kaipuhan magkaigwa nin saro man lamang na representante.
(4) Sa laog nin tolong taon kasunod an resulta kan kada census, an Kongreso kaipuhan magibo nin binaranga sa mga lehislatibong distrito base sa sinusunod na paagi na itinatao sa seksyon na ini.
Sek. 6. Daing tawo an magiging Myembro kan Camara de Repre-
