An pahina na ini pigbalido
Dai, daing gírong ngunyan
An dílá ko asin daghan,
Ang pagmahal nakasínaw175
Nin tunay na pagalamán.
Asin an ogma ominaliwayway,
Huli ta su Bansá ipinagpabákal
Asin napasákop na iyong dahelán
Su kapabayaan pamayong tagapagádal.
Kundí mábalik giráray
Na másirang an aldaw;
Minsán an gabós manúhay,
Makakaligtas na túnay
An hiámak na banwaan;
Sakalé, mábalik man,
Makalakop ulí sa kinaban
An Filipínong pagngaran.
Papaboloson tang tunay
An dugó asin bahang dai nin kapantay,
An kahalimbawá bílang
Sa pagligtas daing liban
Sa dagá na tinubúan;
Alintanang di nádatong
Tinalaan na panahon,
Mahingaló Pagkamoot,
An Pagmaw-ot matotórog.
—————
175 Natatan-aw.
