Nakitang nasisinangan94
Pangkat nin kakristyanohan,
Tara, igwang natatan-aw
Sarong Cruz sa kalangitan
Kan masákop na su ciudad;
Sa sarong lahí na bíhag,
Idtong tandang namantáag.
Nádangog kan Monarca95
Tíngog na "!Viva Castilla!"96
Mga hokbo kan España
Rolohod, ay, nakikita;
Su tanog na matagumpay
Kan hamodyong nádangog man,
Su kutamaya natan-aw
Nagkikirildab sa aldaw.
Su lákad sunod na gayo
Sa Hádeng si Don Fernando,
Na iyo na namamayo
Kan mapangyari nyang hokbo;
Sa monarca pagkarani,
Iginawagaw su llave,
Daing iba na sadiri
Kan moro na mapangyari.
Ni Boabdil sya tinarman:
"Uya an sakúyang álay,
Iyan an náwalat lámang
Sa árabeng kabagsikan:
Reino, sangkit,97 mga orang,
Harong, langtad, tagumpay,
Gabós saimo nang túnay."
Ni Boabdil iyong ólay.
Pakataong kagalangan,
Itong póok binayaan,
Saksi nin mga karatan;
Ta maluhay su lakaw,
Guerreros nangagpaáram,
Sa sangríbong inagrángay,
Su Genil tinalikondan.
- 94 Nakokontento.
- 94 Nakokontento.
- 95 Nádangog kan Hadé.
- 95 Nádangog kan Hadé.
- 96 Mabuhay an Castilla.
- 96 Mabuhay an Castilla.
- 97 An mga naagaw sa kaiwal pakatapos nin sarong combate.
- 97 An mga naagaw sa kaiwal pakatapos nin sarong combate.
