Pahina:Mga Rawitdawit Ni Jose Rizal.pdf/29

-6-

GIROMDOM SA SAKONG BANWAAN

(Kalamba, Laguna)

Kun sakong naroromdoman
Mga nakakitang aldaw,
Kan sakúyang táging ámay,
Sa kúray-dahon na pangpang
Nin mapaghinghing na dánaw;
Kun naisip kong padagos,
Ni Pavonio an hoyophóyop,
Na minaaling na bulanos
Nin hayáhay sa sakong ángog;

Kun sa lirio ako natoróhok,
Kan doros pinapabotog,
Asin an linalang na maribok⁶⁴
Sa baybayon natotórog;
Kun sakúyang sinisinghot
An makakalangong hamot
Kan mga búrak na sáyod,
Kun an daliwawa napoón omólok;

Giromdom na malipungaw
Nin lawog mo na mabansay,
Sarong inang mapagmahal,
Pinagayón na dalísay,
Sakong nagigiromdoman
An masipag⁶⁵ na banwaan,
Mongaya ko, pálad, tinubúan,
Sa may mahayyáhay na dánaw,
Póok nin sakong pagmahal.

Kun an bitis kong alangán
Sa pásig mo bominátay,
Asin ta sa mga pangpang
Simong mga kasalogan,
Sakuyá na natuklasan
Mamongáyang kaalingan,
Namimibí, nagaarang,
Ako sa símong simbahan;

---

⁶⁴ An doros.

⁶⁵ Sencillo.