Asin baga dampog na kargádong háyag,
Naglaláad na kikilat,
Maabhaw na binobókod
Simong halangkaw na láyog
Na minapukan sa dios nin karongawan 400
Pinapaluwas na gayo langitnon kapaladan.
Sinabi iniho asin luminupad,
Saró na diwatá iyo an kasugad,
Kan pagbayae nya su gat220 na troyano, 405
May luminiwánag, nin hamot nagamyo,
Dumán sa mainit dagang africano,
Sa saíyang dalan nagtingraw na gayo,
Na panalé lámang, labis sa tawong dasig,
Sa daghan ni Miguel nagsublak na pírit, 410
Sa lawog napará dinádarang sakit,
Kagayagayahan an suminalíhid.
Natitiná an Sirangan,
Su daliwawa nagngisi na ámay,
Mabánag221 na mamuráway
Daliwawang sinanglitan, 415
Nin aga nawiwilihan.
Nagpangburuk-ad na anan
Su gabós na kaburakan,
Asin nagkamit hayahay,
Pásib kan katalagahan, 420
Na sa pagkaágang ámay
Naorog an kagayonan.
Nin huni na malumbay,
Sa sanga nganí an gamgam 425
Magtataong kagalangan
Sa nagsisírang na aldaw,
Kan ambon napaalisngaw,
Tampok na orog kabansay 430
Kaiyanho na gamuhan.222
An madaging na burábod
Minásaró na bulanos
Sa pagkaaga na togtog,
Mahamis na nadadangog 435
- 220 Pamayo; jefe.
- 221 Mamantáag.
- 222 Kaawotan.
