Siring kan daging malódok
Kan lira na tinotogtog
Nin saró na namomoot, 285
Minahagayhay nanggayod
Nin pagmahal nya sa húkay;
Tingog nin kadiwataan
Na tagob nin kahamisan
Nadadangog kan makaúgay, 290
Na pahá nin pagmamahal
Manag-om na katikbahan.
Miguel,... Miguel, ... anó daw
Ta an símong kadasigan, 295
Pinapahónod na túnay
Sa makúring kahigpaitán
Kainihong kapaladan?
Kun sa Líbado an cedro na káhoy
Sa bagyong orog karigon 300
Nanunúmang ngáning hálong,
Kun batong buhay, an anggot na dágat
Minalaban sa tanog na nangalatikat
Mga naanggot na háyag,
Mabangis na minabuhat,
Tadaw nawawar-an nin pagsárig 305
An kadonongan mo na di malulúpig?
!Ah! siisay bayá ika,
Pagkadiwatá na makadadagka,
An símong tingog na sadya
Kan sakong pagtubod naparig-on baga, 310
Asin kainiho minapadúgang pa,
Si Miguel minaagrangay,
Bulawan na daliwawa kabagay
Minataong ogma sa kinab-an
Kun sadyang minapabarang? 315
Ika an pangatorogan
Na sinasamba kan sakong bandingan,
Síring kan Silfa mabahan,
Na nagduduyanduyan,
Sa bughaw na kahiwasan,213 320
O sarong padayá lámang
- 213 An kalangitan.
