Patos nin maputing damit
Na an saga sagihásig,211
Su poón linikos, masárig.
Di pa sagkod napagmasid. 245
Nin laurel su saíyang ángog
Nasasamnohan nanggayod,
Makintab nganí na sáyod,
Talá-ínit iyong kaárog,
Su mga dolos bulawan 250
Kan lira na kinababray.
Paghiling buhay na buhay,
Tagob nin mabining pagmahal,
Kan mga silyab nyang dalisay,
Pusó bibíhag na túnay. 255
Bughaw nin Lángit maláad
Nin Dios sa mata binugtak,
Sa búhok nya na banayad, 260
Polbong bulawan kinaag.
Ngábil nya su kapulahan
Ni Venus nganí palangkay,212 265
Nin búrak maoorihán,
Sinalagan nin pagmahal!
Inabot su namugtakan
Kaitong makauúgay
Dapang pinagtatangisan 270
Saiyang mga karat-an.
Makadagkang pangingita,
Malódok su lawog baga,
Síring man mapagmahal pa.
Pighihiling, namomongnan,
Su saíyang kasakitan
Naontok, namamatean,
Sáyod nganing liningawan
Maráot nyang kapaladan,
Asin nagbalik giraray 280
Hamis nin katiwasayan.
- 211 Lataw.
- 212 Padángat.
