Dai pa ipinagbalido an pahinang ini
— 84 —
- Asin ta pinagororihán
Mamondong tagapaglakbay,
Matulin sa giráray,
Linilikos an kinab-an
Dai, máyong pakaáram,
Na sa laog man kan daghan,
Igwa nin saró na ruwang,
Na hawan nin pagmamahal!
- Sa rogáring na banwaan,
Magbabalik man giráray
An sarong tagapaglakbay,
Sakalé, sa saíyang erokán;
Asin saén man na lugar,
Na ambon may matuklasan,
Síring man ngáni na túnay,
Igwang sadyang karogmokán,
Mga pagmahal na nasayang,
Su iba namongayahan,
Padagosa símong lakaw.
- Lakaw, tagapaglakbay,
Lawog hare salingoyan;
Daing luhá na domalahay,
Kasunod kan pagpaáram;
Tagapaglakbay, lakaw;
Poota simong kahorasaan;
Tinotuyá kan kinab-an
An sa ibang kamondoan.
