Pahina:Mga Rawitdawit Ni Jose Rizal.pdf/106

— 83 —
AWIT NIN NAGLALAKBAY

Sarong dahon ngáning alang,
Lumáyog nag-aalangan,
Sinasaklot na básang
Mabangis na gampuhanan.²⁰³
Ladawan kan pagkabuhay
Nin tawo na naglalakbay,
Dai nin kanoró bílang,
Máyong kalag, ni bansá man,
Asin dai nin pagmahal.

Mapaghorot na hihánap,
Saén man marhay na pálad;
Asin maliksing nádulag
An kapaladan na labat;
!Aninong lubos na sayang,
Sadyang nagbabasangbásang
Kan saíyang kamaw-otan!
Nin huli nganí kaiyán
An táwong tagapaglakbay,
Minálwas sa kadagatan!

Baga sya pinagtotonyod
Nin dí nakikitang kamot,
Sadyang naglilibotlíbot,
Nin dagá sa mga sógod;
Asin tinatalagadan²⁰⁴
Nin mutyang mga linalang
Sa saró nganí na aldaw
Na mamongáyang dalísay.

Sakalé, sya makadúkay
Sa olang nin sarong húkay;
Mátuklas na pailihan
Lubós na katiwasayan;
Kan bansá nya asin kan kinab-an
Bulanos na linilingwan . . .
!Napahingálong tiwásay
Sa makúring kasakitan !

---

²⁰³ Makosogon na paros.

²⁰⁴ Inibanhan.