Pahina:Mga Rawitdawit Ni Jose Rizal.pdf/104

— 81 —

Dangan kan muya na ako, balinsiyawon na pagal,
sa sálag nin kag-anak magbalik man sa pagmahal,²⁰⁰
mabangis na bominangon bagyong makahorohandal;
nabarían akong pakpak, asin wasak su erokan,
pinabákal su pagtubod, saén man kapahamakan.

Itinapil sa bato nin Bansá kong igigálang,
wagás an omaaboton, máyong ginhawa, ontokan,
nangagbalik kamo sakó, maogmang pangatorogan,
kan sakong bilog na ada²⁰¹ iyoiyong kayamanan,
pagtubod nin maginhawa, tapat kabag-ong tawohan.

Bakó na kamong su dati, maínit, tagob nin búhay,
sangríbong corona álay pagkadaing-kagadanan;
nátuklas ko kamong angka²⁰²; kundí an lawog na
mahal,
kun bakong labing sanggaya, kun nanglulungsí an kuray,
nagdadara man kan tandá lubos na kadayupotan.

Inaálay nindo sakó an copa nin karangahan,
mga taon kong langobó nagdigdi kamong pumúkaw;
salámat sa barongbarong, sa doros nin kalangitan,
nanod-an nindong pogolon láyog kong mapag-alamán,
tangáning ako ihólog sa bansá kong tinubúan.

Sa mahiwas na baybayon, nin mayomhok, pinong
baybay,
asin sa poón nin bolod na napapatós nin hidyaw,
nakapaili sa bansá, irárom nin kakahoyan,
sa marambong na kadlagan, monínong na mabansay,
hingaló sa sakong isip, paómay sa kasakitan.

---

²⁰⁰ Mamoot giraray.

²⁰¹ Existencia,

²⁰² Seria.