núlak man pasíring sa Europa. Dumán, sa convento na ito na borobaranday an rejas asin sa irárom pa kan pagmangno kan mga Madre, nagdánay siya nin pitong (7) taón. Kan makaáram si Capitan Tiago asin si Don Rafael na nagkakaminootan su duwa nindang akí, nagólay sinda asin saindang pinagkasundúan na paga- gomón su duwa, asin pinagkaoyonan pa ninda na magkasaró sinda sa ngaran na pangarákal. An bágay na síring, na nangyari pagkaáyaw nin duwang taón pakahalé kan hagbayon na si Ibarra, ipinagrokyaw nin duwang pusó sa magibong na sógod kan kinaban asin sa irárom nin nagkakalaen na gáyong mga pangyayari.
Naámay na magsimba kan ágang ito si Tía Isabel kasi María Clara; marayráhay su saiyang gúbing, bughaw su saiyang bilangan na garo mansanang kalumbigá (64). Si Tia Isabel may salming sa mata na nagbabasa kan safyang “Ancora de Salvacion” sa horas kan Mahal na Misa.
Pahangá nang tumalikod su padí sa altar, sibot na sa pagpupulí su daraga sa dakúlang pagtaka asin kabaldían kan mabóot na inaon na naglolúbang banalbanalon asin mapinangadyé an saíyang makoiná, síring sa sarong monja. Nagngongorobngorob na bominuhat su mabóot na magúrang. “!Sus! patawaron ako nin Dios na nakakamidbid kan pusó nin mga daraga labí pa saimo, Tía Isabel,” sinabihan gayod nin síring tangáning mapotol an mahigpit, alágad sa inang mga pagpangisog.
Ngunyan nagpakapamáhaw na sinda asin ta si María Clara, sa paglibang kan saiyang kalangkagan, tominúkaw sa paggibo nin sarong sopot-sópot na suklá alintanang su inaon, sa horot na mapara su mga náwalat pa kan omináging kaogmahan, kinoa su plumero (65) asin nagpoón nin paglínig. Sinaró-sarong hiniling ni Capitán Tiago an nagkapira kadahon na papel.
Nangongorabkotab su daghan kan daraga asin natatákot sya sa lambang ribok sa lansangan asin kan lambang minaáging lunadán. !Ah, ngunyan boot mag-
