kaito an saimong kaagahon, boot ko an saimong kamon-
gayahan. Paano akong makatogot na pomakasal ka sa
sarong tubo sa bansang ini, na paghilngon ko ikang
agom na makautigay asin inang daing palad? Dai ko
nahalé sa saimong payo su saimong pagkamoot, isino-
lang ko su bilog kong kosog, pinalabilabihan ko gabos,
huli saimo, huli lamang saimo. Kun nagi kang saiyang
agom, nagtangis ka kita ngapit huli sa kamugtakan
kan saimong agom, na namamantang sa gabos na mga
panghihimalos daing palakaw na makapangalasag, bi-
lang ina, pagtatangisan mo an kapaladan kan saimong
mga aki; kun adalan mo sinda, hinahandaan mo sinda
nin sarong mamondong kaagahon, maruluwas na mga
kaiwal kan Katinubdan, asin makikita mo sindang bi-
ritayon okun paruluwason sa Kaporoan; kun pabayaan
mo sindang daing mga pakasabot, makikita mo sindang
pinangagkurihan asin pinangagbabarasangbasang! Dai
ko matotogotan an siring na bagay! Nin huli kaini
ihinanap ko ika nin agom na makagibo saimong mamon-
gayang ina nin mga aki na mga nagboboot asin bakong
nagkukuyog, na mga magpadusa asin bakong mangag-
tios... Talastas kong marhay su saimong katood sa
ikinaongis ko an mga bagay na ito kan maaraman kong
pagkaaki, minahal ko sya bilang sarong ama, alagad
ikinaongis ko ang mga bagay na ito kan maaraman ko
man akong gigirikanan kan saimong pagkadai nin ka-
mongayahan, ta mahal ko ika, sinasamba ko ika, namo-
motan ko ika siring sa pagkamoot sa sarong ginahang
babaye; dai ako nin ibang pagmahal kundi an saimo,
nakita ko ikang nagtalubo; dai minalihis an sarong
horas na dai ako nagiisip saimo; nangangatorogan ako
saimo, ika daing iba an sakong gayagayahan...”
Asin hominibi si Padre Damaso siring sa sarong aki.
“Tara, kun ako mahal mo dai mo gibohon na mapa- hamak ako magkagurang man; bako na syang buhay, boot ako na maging monja!”
Ihinongko kan gurang sa kamot su saiyang payo.
“!Magmonja, magmonja!” an saiyang ulit na tatara- mon. “Dai mo aram aki ko, an pagkabuhay, an mis- terio, na natatago sa ibong kan mga parel kan convento. ! dai mo iyan aram! makasangribo kong mumuyahon na paghilngon ko ikang makauugay sa kinaban ki sa claus- tro... Digdi mangyaring madangog an saimong mga hinanakit; duman daing ibang saimo kundi an mga
