83
VI SI CAPITAN TIAGO
Kukuyogon an boot mo digdi sa daga
Alintanang natotorog okun namamahaw an satong mga pananawhon iyo ta ngonang pagorolayan si Capitan Tiago. Ini kami kaiba sa bilang kan saiyang mga inanyayahan, dai kami, kun siring, nin katanosan nin katongdan sa pagbasang-basang saiya, na pasiba- yaan lamang siya minsan sa mga mahalagang pangyayari...
Hababa ang tindog, malinaw an kulit, bilogon an panglawas asin an lawog huli sa makuring taba, na sunod sa mga may paghalaga saiya, padara saiya kan langit, sabi man kan saiyang mga kaiwal, gikan sa dugo nin mga dukha minaluwas si Capitan Tiago na aki pa ki sa tunay niyang kagurangnan, sakalé, inaka- lang igwa pa sana siya nin magpoon sa tolong polo sag- kod sa tolong polo may limang taon na kagurangnan. Mabansay sa giraray su saiyang lawog sa panahon na nadadapitan kan samong pananalaysay. Su saiyang bagol-bagol na patos nin buhok na garo kamagong kai- tom, halaba sa atubangan, asin halipot na gayo sa likodan, kanigian na mga bagay-bagay, siring sa sara- bi-sabi, sa laog kan kapilwakan su saiyang mga mata na saradit alagad bakong insikon, dai nagbabago nin pang- hilinghiling, su saiyang dongo marayrahay asin bakong pingos asin kun an saiyang ngoso dai naratakan kan labislabis na paggamit kan tabako asin buyo, na an mga upa na matipon sa saibong na limogmogan, nakaliwat kan pagkahinorokol kan saiyang lawog masasabi ta na tama siya sa pagakala asin sa pagpahalaga na siya sarong mabaskog na lalaki. Sa kapalabilabihan na ito, sa giraray saiyang naingatan an saiyang mga maputing ngipon asin su duwa na ibinugtak saiya kan dentista sa halagang kagduwang pisos lambang saro.
Ibinibilang siya na saro sa mga mayayaman sa Bi- nondo asin saro sa mga lataw na mga hacendero huli kan saiyang mga kadagaan sa Pampanga asin sa La- guna de Bay, orog na ngani sa banwaan nin San Diego, na an tagoram naghahalangkaw na maghalangekaw lam- bang taon. An San Diego iyo an banwaan na saiyang paorog kan mga makamumuyang mga parigosan du-
