405
saindang itinataong panganinohan sa mga bagong ta- wo... Naoogma akong magadan ... claudite jam rivos, pueri,” (108-a)
“Muya ka nin bolong?” an hapot ni Don Felipo na boot maliwat su paksá kan olay-ólay na nakamalos kan lawog kan naghehélang.
“An mga magagadan dai nagkakaipo nin bolong; kamong mga mawawalat. Sabihi si Don Crisóstomo na giáwon ako noodmá, tara dakol akong sasabihon saiya na mga mahalagang bágay. Sa laog nin mga pirang aldaw mahalé na ako. An Filipinas nasa kadikloman!”
Si Don Filipo, pakalihis nin nagkapira pang minuto nin olay-ólay, hominalé, daing girong asin baga may iniisip sa harong kan naghehélang.
LIV MGA PAGBUBUYAGYAG
Quidquid latet, adparebit. Nil inultum remanebit. (104-a)
Ipinaháyag kan batingaw an pangkahapon na pami- bi; kan mádangog su bagting na sinanglitan, nagpang- oródong su kagabsan, binorotsan su saindang mga gibo asin tinokas su saindang mga kopyá; ominontok nin pagáwit su manggagamlang na halé sa langtad asin pinógol su arangay na lákad kan nakakabayohan niyang damulag asin nangadyé; su mga babaye nagngurus sa táhaw kan lansangan asin tinuyotuyong pagpahiró- hiroon su mga ngódoy asin ngábil tanganing dai nin siisay man na makapagduduwaduwa kan saindang pagsadiyos, su lalaki tominonong kan paghimas kan sai- yang manok asin nangadyé kan Angelus, tanganing máging marhay an saiyang pálad, an pangadyé ginigibo sa mga harong sa halangkaw na tingog...an arin man na daging na bakong sa Tara Kagurangnan Maria mi- napurawas, minaontok.
Minsan siring, su cura, nakakopyá, marikas na nag- lalakaw sa lansangan asin nakatao nin escándalo sa mga gurang na babaye,! asin laló pang escándalo! huli ta pasiring su lakaw sa harong kan alférez. Sa ganan kan mga devota tamá nang tonongon ninda su binokabuka kan saindang ngosó tanganing makahadok sinda sa ka-
