mga diamante asin bulawan sa sarong samnong sirangnon, patos nin alopoop, sarong diwata, sarong encantada, na nagpapasiring sa enotan dai nagdodoot sa salog, napapalibotan asin iniibanhan nin sarong maliwanag na bangraw; sa saiyang attibang minasublak an mga burak, minapisi-pisi an sayaw, minaluwas an mga awit asin pangkat nin mga diablo, mga ninda, mga satiro, mga genio, mga sagala, mga angeles asin mga pastores na nagsasarayaw, nagpapataranog nin mga pandereta, nagpoporopiriripit asin ibinobugtak sa pamitisan kan diwata an dulot nin lambang saro. Nakakita kuta si Ibarra nin sarong magayon na binibini, na nagugubingan kan gubing kan mga daraga sa Filipinas, sa tahaw nin semicircular na binibilog nin gabos na clase nin tawo na naghihiriro-hiro sa makiring kaogmahan: duman may mga intsik, mga kastila, mga filipino, mga militar, mga padi, mga gurang na babaye, mga binibini, asin iba pa. Si Padre Damaso nasa kataid kan kagayonan na ito; naghohoyomhoyom si Padre Damaso siring sa sarong nagmumuraway; si Fray Sibyla, si Fray Sibyla mansana, an nagsabi saiya, asin pinapakarhay ni Dona Victorina su mga perlas asin mga brillante na mangibaibang kiray. Maputi siya; labilabi kaputi; an saiyang mga mata, na haros parating sa ibaba, kun itinitingkalag, nagpapahiling nin sarong malinigon na kalag, asin kun siya minahoyom asin ipinapahiling an saiyang mga mapuputi asin saradit na ngipon, masasabi na an burak saro sanang awot asin an gading, tingo lamang nin gadya (38). Sa pag- oltanan kan silag na damit na pina asin sa palibot kan saiyang maputi asin may golo-golong liog nagpipirok-pisok, siring sa sabi kan mga tagalog, an mga magaya-gayang mga mata nin sarong kulintas na brillante. Saro sana katawo an garo dai nakakamaté kan saiyang mabanggraw na lasig (39), kun mahimong sabihon; ini sarong aki pang franciscano na maniwang, imyos an lawog, na daing girong na nagmamasid saiya sa harayo, siring sa sarong estatua, haros dai naghahangos. Alagad dai lamang sa mga ini nin nakikita si Ibarra; ibang bagay an nahihiling kan saiyang mga mata. Apat na hawan asin mga maating lanob na minalikos sa sarong sadit na kahiwasan; sa saro kan mga ito, duman sa itaas, may sarong rejas, sa ibabaw kan maati asin makasosomong salog, may sarong banig, asin sa
